其實作為女兒的我 家人俾到我既支持已經好感激
但聽到佢地對兒子的重視 不公 令我不禁心有戚戚然的感覺
如果安慰自己好呢
就係接受現實
因為佢地出生嘅時代背景令佢地有重男輕女觀念，佢哋唔會變，惟有自己心態變…
我父母都係重男輕女，都咁多年，冇得唔睇開囉，總之冇期望就冇失望，靠自己練得一身獨立好功夫出人頭地
加油
3個讚
放底。
如果父母年紀大，由佢地。無需要破壞佢地對個仔的期望，都係孝順父母的一種方法。
1個讚
話冇就呃你，一定會
1個讚
老土D講, 只能叫自己睇開D、冇期望冇失望,
但呢類父母永遠有事都會搵個女, 而唔係麻煩個仔
2個讚
我媽成日都話佢無重男輕女
我由細到大都唔信
但我爸重女輕男所以balance返
我自己覺得唔太過份偏心就算數
老人家你陪得佢幾耐
自己對自己好d，等你兄弟眼紅返你
如果係咁，有事時叫佢搵個仔先
唔好心軟
同返佢地講。俾邊個搵返邊個
有事都唔好幫佢
對自己好d。放重心起自己家庭度
盡好自己本份就算
因為改變唔到老人家的思想
唔好話重男輕女呀～ 我老母都錫晒我妹妹， 總之你諗到幾偏心都有，唔係純粹少少係好過份嗰啲。
簡單啲講，個妹做得好錯，調轉頭話我多事話返我不知所謂， 咩都買比佢，我就係有事就揾我出動（ 例如 整屋企wi-fi 買呢買路 幫佢哋去交電費），以前都好在乎嘅……之後組織家庭搬咗出嚟，冇乜嘢都唔聯絡，其實都好過好多。
唔係話斤斤計較，係真係偏心得好埋一邊，我會當冇緣分
2個讚
我屋企調轉，我由細到大都俾阿哥投訴，話我太得寵 
好彩，男仔冇咁計較兼敏感。
其實都唔係咩偏心，只不過家務仔女都要做，佢係阿哥，要做多D(我阿哥的男仔同學，通常唔洗做家務，D家姐細妹做晒)
我用自己去證明我生活得比佢縱壞嘅仔好
我阿媽把口唔講，但係我知佢知道自己以前對我幾差
佢愈內疚，我愈明事理，對佢愈好，等佢自己反省過去
算係有啲報復心理
我媽都係非常之重男輕女
眼裡面女係不存在一樣
不過我又好犯賤都仲係好錫我媽
佢偏心佢既事、佢開心就好
慣左，由得佢。
阿媽講到話早知唔生我出黎，喊又喊過，傾又傾過。
一讀完書純粹通知佢地就走去外國工作，期間事無大小都係問我，包括屋企買咩牌子電視，電話壞壞地去邊度買好，買咩牌子咩型號，買好左連個電話保護套我都要越洋寄俾佢。
只要我一講『你問下阿哥啦，佢熟d』阿媽就會話佢唔得閒，做野，返工，湊仔。
我一句『我依家係凌晨3點，聽朝要揸車唔夠訓會危險』佢就會開始講陳年舊事，由細個我點點點大個走左去成日唔返黎講到5點。
o係外地準備結婚，我話會搵人同佢去機場，直航機商務位，落地就接佢，扭計扭左幾日原來想我出埋阿哥三份機票。我話好呀，出埋既話就平d搭轉機經濟位，佢即刻嬲我，話我對阿哥唔好。
唔知既以為阿哥好窮，其實有車位有單位收租，根本佢地俾埋阿媽果份都得。
我男家都有親戚係咁，個媽要做物理治療都唔敢叫個大嘅比錢，因為大嘅要加按層樓買第二間收租，所以冇錢…
細就有準備曬應急錢，所以有錢…
有次我話無錢，阿媽話一定要儲下錢，屋企有咩事你一蚊都拎唔出點算?
我話阿哥都可以拎住出黎先丫，佢話阿哥有家庭有小朋友要養所以無錢係正常。
然後我叫佢自己準備定d錢，阿哥有咩事你就借俾佢，養佢成家 
跟住佢就改口話阿哥自己搞得掂。
點偏心都好，仔親女親都唔及錢親 
1個讚
都係果句，自己計返自己條數就算…
佢偏邊個有乜事就叫佢搵邊個，萬試萬靈 
自己快啲自立照顧自己離開父母，想生小朋友嘅就生2個試下如何唔偏心，或者可以解開心結～