埋身餵幾大先帶bb岀街

我隻b而家四十日大,平均兩個鐘食一餐,但佢成日嘔奶,如果帶佢岀街,搭完程車都差唔多要餵佢,諗到呢度我就打消帶佢岀街嘅念頭,請問各位媽媽幾大先開始帶bb岀街?

我比較曳,未滿月都會帶出去行下食個飯,埋身B去街先最舒服呀。

乜都唔需要攞,只係餵奶巾同幾片尿片加濕紙巾就ok。頭幾個月bb又訓得多,又唔使餵哺食,基本上你可以自由自在行街,好好珍惜衣段時間哦!

埋身唔係我考慮既問題,有餵奶巾、哺乳室就ok啦。
有時候bb 出街有好多刺激、會易攰,分分鐘過左兩三個鐘都唔叫餓甚至訓著左:joy:

滿月後就帶bb去街啦
有餵奶巾,一巾走天涯,爽!
(不過依家疫情下,我會擔心bb戴口罩問題多啲)

當年滿月就出街啦
一條餵奶巾一路行一路餵:sweat_smile:

當年要帶佢去檢查、follow up,未滿月都要出街,帶定餵奶巾去到邊餵到邊。
就算去到大個,都隨時要埋身,人哋屋企又有、餐廳又有、巴士又有⋯⋯

冇信心可以喺屋企附近行吓先 熟習吓先又唔洗帶咁多嘢 我依家通常落街都冇帶嘢(3m)

我都比較曳 我哋未滿月都有出街

不過我哋出街會準備奶粉 我懶喺出面埋身 同埋幾個禮拜已經盡量調整佢每餐最少隔2.5hrs (唔想佢食半餐又瞓)

如果預計出得比較耐我都會research 定附近商場育嬰室 有啲都會有private room for nursing

我個B一食就食成大半個鐘,所以唔敢喺街食
依家喺奶奶都食無咗個餵奶枕都覺好重好難抱住食
仲要佢又鍾意食到一半又扭嚟扭去
所以依家三個月我都仲未夠膽喺街食

你幾時開始調整佢食奶schedule?我而家都係feed on demand, 點可以轉去feed on schedule, 佢而家多數兩個鐘食一餐,但有時個半鐘就醒,醒咗無得食就喊,點樣可以拖到佢兩個鐘先食

如果佢扭要食先排哺乳室會唔會太遲?有時見到啲哺乳室要排隊

唔係去健康院都唔想帶b出街 :cold_face:

1個讚

所以帶定餵奶巾,如果真係多人排隊就用巾餵。
我連巾都無再用,用d包被、外套遮一遮就照餵了。

我可能大約2-3 weeks 開始調整?

因為食咁密佢又攰我又攰 佢又瞓唔長

當然冇可能一次過由個半鐘拖到兩個半鐘 都要gradually adjust 首先我會check佢係咪仲眼瞓(我個b眼瞓都會想啜嘢)抱吓佢或者俾奶嘴佢 佢瞓返就俾佢瞓 如果唔係就會抱佢行吓俾佢冷靜吓 冬天之前可以出露台行吓俾佢冷靜吓 依家太大風就唔得lu

我依家都feed on demand but I try to keep it between 2.5-4hrs

我follow taking cara baby ig都話唔好俾佢snack feed慣咗 feed on demand =/= snack feeding

同埋我用huckleberry嚟track咁我就知道有冇改善

我而家係屋企都係用餵奶枕,我個已經係細粒b我都覺得重,呢個都係令我唔知點帶佢岀去嘅原因之一

1個讚

果時bb 2個鐘食一次,無必要都唔會出街,最多落樓下,因為實在太麻煩
到約3個鐘一次就會去有育嬰室嘅商場行吓街