雖然老麥於全球各地都有，不過當中有唔少食物都會限定於某地點某時間出售。12月21日於中國老麥就推出一日限定全新漢堡，用上Oreo餅碎加午餐肉再搭上沙津醬，效果不難想像，就係造型同味道都十分古怪！呢個漢堡名為「給利奧餐肉堡」，係用上Oreo中文諧音「給力」作為宣傳，而且只於12月21日限量出售40萬個，每個售價為13蚊人仔左右。
唔少人嘗試過後都表示非常難食，紛紛留下劣評，認為係「暗黑料理」，直言係「2020最難食食物」、「令人作嘔」等等，究竟邊個創作出咁特別嘅組合，又究竟係咪故意製造話題呢？姑勿論點都好，今次都成功收到宣傳作用呢！
今次呢架漢堡限定只於12月21日發售40萬個。 （圖：微博圖片）
