話說尋日我同仔講左聖誕老人既故事，掛左隻聖誕襪係窗邊，同佢講訓左聖誕老人會黎放禮物俾小朋友。
仔：呢度咁高，佢點樣黎呢？
我：佢會坐雪橇。
仔：咁你關左個窗佢點入黎呢？
我：聖誕老人有方法。
仔：但個窗既開關係入邊，佢點樣開到個窗呢？
仔：要開窗訓覺。
我：
13個讚
我家女兒都啱啱問完，當我都唔知點答之際，佢話聖誕老人應該係由抽油煙機入屋。
13個讚
細個係聽人講穿屋頂煙囱入喎!同而家抽油煙機類似啦!
5個讚
我女昨日細細聲問我,“媽媽,其實呢個世界有無聖誕老人架?”
我細細聲答返佢,“呢個世界有聖誕有老人,但加埋一齊就無啦”
7個讚
呢個問題讀幼稚園個諗過，聖誕老人咁肥咁多禮物，點入屋，同埋屋企都冇聖誕樹，佢知擺邊咩。 自此就唔再相信聖誕老人。
我由細到大都笑聖誕老人呢啲傳說 
好可愛既細路仔
我叫阿女自己諗，佢講咗好多可能性
又話可能偷偷開窗，又話隻襪掛屋內佢要拋份禮物入屋，仲有話Elf幫手變入嚟。
但最後佢掛咗隻襪出露台，話方便聖誕老人快d送到佢份禮物，可以趕去下一家
5個讚
仔仔好醒
好貼心呀
我屋企部抽油煙機係風扇葉黎喎
所以如果聖誕老人黎我屋企經抽油煙機派聖誕禮物既話…
仔仔好Q
我從來都冇暪過佢係人扮
原來小朋友真係信，好可愛
我好似細個冇ff 有聖誕老人咁
講起呢樣嬲嬲地
細果個仲信有
但係大果個勁掃興咁話 聖誕老人係假㗎啲禮物係爹哋媽咪放出嚟㗎
後來我問阿大點解咁講呀
佢話老師講係假 
心諗：老師一定hater黎 做乜要破壞人地童年
3個讚
好彩阿細仲係好信
仲同阿大argue 
可能驚被揪後算帳炒魷魚
我女係香港讀幼稚園嘅時候都有老師講過，我勁嬲，不過我同佢講因為呢個老師小時候唔乖，所以聖誕老人唔送禮物俾佢，而佢係好孩子，所以就收到禮物
今年剛到外國讀書，佢話全班同學都深信有聖誕老人，好可愛！
3個讚