由出世到而家3歲幾阿仔都係細細粒, 但健康少病痛, 跟到自己生長線, 但奶奶就成日話佢UN(瘦), 又話阿邊個邊個個孫同佢咁大都高大肥過佢, 話叫我哋同醫生講開啲維他命之類佢食 
但佢個仔都唔係高大大隻嗰類人, 健康就好, 家陣養豬咩, 好X煩.
2個讚
老人家就係咁麻麻煩煩，成日要比較，瘦又話肥又話，把口賤冇得改架，同豬隊講叫佢自己同佢老母講，小朋友最緊要身體健康
4個讚
我都擔心。我99成日話阿邊個邊個嘅B好叻，又話爬得快呀，好快識行呀，最鐘意話肥啲好湊啲。總之就鐘意比較。
我次次都話，太大隻驚生唔出，同埋健康院啲小冊子話跟到生長線已經夠㗎啦
(心諗，好唔好湊都係自己嘅。唔通為咗方便自己好湊就儲肥佢咩
)
1個讚
又一樣諗唔明，點解要個小朋友肥？
朋友個仔4歲，30幾公斤成隻豬咁，好咩？
食大咗個胃，好難減。
3個讚
話俾佢知，細個咁肥，大個控制唔到佢食咩就仲肥
依家香港人中風心臟病已經年輕化到廿幾三十歲就中招，我都係想個仔長命百歲姐
（咁佢無理由話唔要個孫長命百歲掛
）
1個讚
其實肥瘦都無所謂,健康就得啦.
我大仔瘦,我細仔肥. 食既野一樣, 健康就得.
而家細仔太肥好麻煩(因為健康院要佢減), 瘦少麻煩好多
2個讚
無視
1個讚
話佢知 睇啲研究係話主要係因為爸爸嗰邊嘅基因決定佢肥瘦㗎
咁得唔得
3個讚
健康就得，各有人自己生長線，佢見一次話一次我仔，我已經去到時運高聽唔到既精粹。
奶奶係咁，乜都會嫌一餐
佢個仔即我老公，個肚腩好似有左三個月咁大，奶奶都夠膽死話我無比飯我老公食，哈哈哈哈哈
4個讚
我相信個個奶奶都一樣成日覺得個孫瘦（因為係媳婦湊）！
我仔一向食得多，只是手腳瘦！但我奶奶已經話佢生積食食咁多又唔肥！疫情之下，呢一年我仔肥左十幾磅成肚腩凸咗出嚟！而家我奶奶又話佢太肥唔好比咁多佢食，乜叉都係佢講曬！
叫你老公答佢，一係你自己答：唔需要比較
一句五個字，唔需要任何語氣，佢講一次你回一次，有咁倔得咁倔
幾十歲人，自己食幾多嘢仲要由老婆控制到？
2個讚
老人家冇嘢搵嘢講，最討厭
得三個月肚咁細，好明顯你虐待人哋個你啦～ 
2個讚
有一種瘦，叫「嫲嫲/婆婆覺得瘦」
佢一開口哦，你就「係」「唔」「哦」「知道」，然後左耳入右耳出
千祈唔好同佢地爭論，因為你講咩佢地都唔會聽入耳
我女有個朋友仔，生長線爆100，佢阿嫲都話個孫瘦
我個女係生長線中間，有少少肉地，婆婆嫲嫲都仲成日話佢瘦，講到我唔比飽飯個女食咁。有一次佢同超瘦堂家姐拍埋一齊，嫲嫲見到終於冇再話我個女瘦
有一種餓，叫你阿婆/阿嫲覺得你餓
我奶奶好興質啲小朋友食嘢，聲稱佢哋唔夠飽
於是我姑奶個仔最常同阿婆講嘅就係「no」兼擋住個碗⋯⋯
最怕嗰啲飲茶食飯自己食唔落就不斷質個小朋友食野，小朋友話飽唔想食就扮嬲迫小朋友勉強食，話小朋友會扯高唔怕肥，之後就話小朋友食太多野太肥，話縱壞左乜都畀佢食，真係神又係你，鬼又係你。
2個讚
我覺得un好過肥
識幾個小朋友、好食得、由細到大有肉地
一去到發育、胃口更加大、就更大隻
其中一個貪靚、大個左為左瘦、長期節食運動
反而瘦果啲、青春期食左多野、都唔會太un
1個讚
唉，弊在老公聽佢老母講得多都覺得自己個仔唔夠肉地