同男友拍拖接近5年，之前都有一齊旅行去佢屋企，感情一直都ok，直至最近幾個月開始同居，發覺感情好似比以前差，唔知點解同點去解決，有一晚坐低諗諗下竟然唔知道可以同邊個傾 
會唔會係佢覺得住埋一齊唔使再關心大家？定係因為多左個屋企佢有壓力？我真係唔知點解，只希望唔好惡化落去…
1個讚
努力磨合下
1個讚
隨住時間流逝，感情轉化是必然的，求人不如求己，學習在不同階段,欣賞不同風景吧!(除非…)
6個讚
點樣感情差？有冇拗撬？定係相對無言少了溝通？
未適應，多點時間磨石，生活習慣
一起身開水喉要＄，比較有壓力
香港男仔媽寶，香港女仔依賴佔有
拗撬其實點都有，生活上既磨合，但唔係嗌大交，我以為同居後會多左時間見面會更好，但現實中都唔係 
大家係少左講野溝通，有d小習慣都無埋，例如之前佢會WhatsApp 我，依家好少…
會唔會一齊煮下嘢食咁？食餐好嘅你煮佢洗等佢warm d
雖然都幾個月，但講真我自己都未係好適應，定係我地同居呢個決定已經錯左？
可能男方覺得返屋企都會見到你，所以唔洗成日wtsapp
夜晚都見，少左訊息唔奇
佢唔會同我做呢d野，平時都係我煮完等佢返來食，佢就一邊食一邊玩手機睇動漫咁…之後就訓，我有同佢講過大家要多d溝通
男人一住埋就懶
兩口子出下街行下山咁？
點會係錯？難聽D講，如果結左婚先知大家住唔黎就仲衰。。所以本人絕對讚成先同居後結婚。
點都好，你不如坐好好坐低開心見誠同佢傾下你既感覺，有時可能佢呢排工作比較有壓力比較攰，你可能諗多咗，所以大家傾下先囉，睇下佢點諗，唔好咁快諗埋一面。
1個讚
一齊食飯都唔會講嘢?
係冇咩嘢講/佢唔想講定點
你同佢講完要多啲溝通佢又點應你呢?
我同佢講野佢會應我既，但唔會望住我，望住電視電話，大家講自己野係少左，同佢講想大家溝通多d之後佢話我諗多左，之後繼續keep住呢個情況
我都同佢講過幾次，佢都好似無認真諗過，可能佢只係想hea落去？
可能真係懶得應酬我，我地有出街，佢就唔中意行山
所以我都無逼佢，但感覺係有少少難受，搬左出來又辛苦感情又淡左，不如做啊媽個女仲好
我同老公結婚前都同居咗兩年，我嗰時都諗如果住得唔開心寧願做女，不過我阿媽比較難頂，我同邊個同居都好過返去住 
可能你要嚴厲一次同佢講話真係想同佢傾傾 話你覺得唔開心 再係咁落去唔改善只會係分手收場
其實我不嬲都覺得, 同居/結婚有冇開心左, 通常都係同做女比較.
好似我而家同阿媽住好舒服, 我媽又唔管我但係又幫我做家務, 當然我有俾家用, 第時如果阿媽老我就請工人. 所以我冇乜興趣同居結婚. 至多拍拖. 啲男人仲開心啦, 搵到個女人只係想拍拖唔想結婚. 
我上亡國觀察, 通常結左婚開心的人, 通常都係本身父母好煩, 或者關係唔好, 或者原本居住環境冇咁好.
始終搬出黎住, 又多左洗費又多左家務. 如果冇比娘家好, 實會冇咁開心.
5個讚