有冇人想去加拿大,你問我答

首先我問:點解個個都去英國,唔考慮加拿大?

2個讚

加拿大失業率高嗎?聽人講仲難搵工過英國,係咪真?
仲有,通常華人打咩工多養活自己?邊個省或州治安好,校網好,易搵工?
加拿大中小學教育係點架?
移民門檻係點?好多人都唔清楚,包括我 :face_with_hand_over_mouth:
我覺係香港教育似英國教育,比較易適應啩!加上,英國有全球頂尖老牌名大學…:crazy_face:
謝謝你 :pray:

1個讚

英國都高嫁
周圍都係工,你放唔放得低做唔做咁解姐

做 office 又係min起,做藍領起步已經高人工
藍領養得起成家,office 未必得
兩公婆返 9 放 5 冇 ot,5日工,有細佬仔已經收支平衡,可以追求返生活質素,呢d 都係價值

去到一個新地方唔好成要群埋華人啦,語言能力唔會進步到幾多

治安好唔好睇你自己個人生活檢唔檢點,晚晚出夜街玩果d,係香港都易出事啦
普遍唔會差到唔敢出街,至少普遍冇槍問題

冇需要將香港搵學校果套拎去加拿大,唔差得幾多
而且係冇得揀學校,住邊就讀邊

頂尖都要入到先得既,港大夠有名,都係少數人讀到

3個讚

想去呀,不過我over 35又冇錢投資移民呢。。。

2個讚

有諗過去加拿大,老公以技術移民嘅話,當佢ielts啱啱合格都夠哂分去。但我地本身冇去過加拿大,唔知當地生活係點,同埋加拿大主要城市,溫哥華,多倫多物價似乎唔低加上太多華人都係一個問題(始終加拿大出名係熱門退休國,簡單講nancy比例應該唔低:upside_down_face:)。
去偏遠啲嘅省應該可以減低呢啲憂慮,聽得比較多嘅就係愛德華王子省。移過去嘅好似得創業渠道?
(利申,老公完全冇諗過走,我只係想知多啲。當有一日我老公覺醒咗,都未至於由零開始了解)
thank you

請樓主都分享下食物、天氣、自由度、移民門檻…,等我哋了解多 d,謝謝你 :pray:

例子:
申請讀個書先千零蚊,攪埋所有手續連機票酒店都唔駛三萬
學費先十零萬,住1年先幾萬,重可以做 part time
之後拎 pgwp 做一年就可以申請永居
唔駛 20 萬去生活兩年

35?
50歲都行緊咁樣啦 …

我唔係agent,你自己上網搵詳情

加拿大:屋大、少歧視、比工作讀書相對平等

3個讚

BNO 門檻低嘛. 唔駛要求工種, 有理冇理到埗先.

3個讚

有能力行 EE 都唔駛睇 post 自己攪掂晒啦

去細省先讀書後工簽 都係合共 5-6 年
唔好諗 3 大,除非 你好有錢 同 好有能力 同 後生

全部 diy,根本唔需要 agent,慳幾十萬

1個讚

住house定係apartment 好?
住house好似大啲抵啲,但怕治安唔好落雪麻煩
ps.治安指爆格果種

食物:同香港同價,但高質,各省類別有dd 分別,超市大把香港貨,移得民就應該預左融入人地文化,食西餐都冇問題

天氣:就算負十幾廿度都係咁生活,周圍都暖氣

自由度:自己諗

門檻:有高有低,一定唔會易得過 bno,但換黎大屋同冇乜歧視

5個讚

有frd用過百萬(連agent fee)成功一家四口移民,agent幫手搵埋工,係咪好常見?

都係,英國都有好多好處
但到步後唔好嫌屋細,地方細,工作又上唔到位

1個讚

住house
打掃辛苦d,乜都要自己學整 vs 地方大舒服,放乜野都夠晒位,車房又多個地方用

apartment
有人管晒,雪都唔駛點剷 vs 要交管理費,嘈d 沖涼夜d都可能比人投訴

依家d 科技,平平地買套 google nest 都夠啦

三大以外城市 自己 diy 攪 再買埋二手車、供埋二手樓都未到過百萬 :rofl:

買工犯法,未來有一日捉到,入左藉都會取消
自己 search 新聞

2個讚

我最想知係醫療
會唔會同香港好大分別?

其實EE都係自己計吓姐:joy:
我都講咗未去過加拿大,都係請教吓當地嘅生活指數呀,搵工咩情況呀,歧視會唔會好勁呀咁姐。見你好熱心咁開你問我答,先留言知多啲當地嘅嘢:blush:

當然唔經agent,diy慳返10幾萬梗係好啦,但前提都要當地適合㗎,唔通唔識泰文但單憑有"資格,夠分"就咩都唔使理,人地移民經驗都唔使知,衝過去落地生根咩:joy:

btw,謝謝你嘅建議. thank you.

各省都有分別
基本醫藥係分開

貴係一定,有醫保包,個個都有保
牙就多數冇保,而且費過香港
至少 唔會似香港公立醫院個輪候表果d 以年計既等待。。。

2個讚

去 英美澳加都係 英文,所以呢點冇分別

去睇多d diy post,一定有所得著
diy 係慳至少幾十萬

1個讚

我無研究過唔知道原來都唔係咁難。我聽完佢講之後,第一個反應係「都幾抵吖,搞移民嘅錢都只係夠兩個小朋友係香港讀幾年書,而家一家四口有新生活」。:rofl:(勿打頭)