因為唔想家訪，根本冇義工可以接受，我住低層，窗都已經加晒鎖，義工都唔接受，我明白義工難處，但係咪可以彈性D處理呢，我都係想幫貓……已經揾到好灰，sorry 不喜勿插, 高抬貴手
1個讚
去愛協
我好明白義工都係想確保貓咪安全，但我一樣都唔鍾意家訪，而且d家訪仲要唔止1次2次。我覺得影響到我日常生活。而家有疫情我更加唔想
所以我係去愛協。一係響垃圾站隨緣地執貓。
我認為我都可以選擇一個我覺得舒適既方法收養貓咪。
6個讚
群貓會
領養係要家訪，但只係一次，主要睇下窗網，如果淨係上黎一次兜個圈我可以接受，依家變態太多，之前交貓貓比深井掉貓狂個個義工好後悔好傷心信錯人，始終係交托一條生命，不能輕率，希望你體諒
3個讚
我有兩隻貓都係群貓會領養
當時我住新界村屋、個義工住港島都特登入嚟睇、我覺得好有心
睇左一次、佢話有啲位唔得、咁我之後整返好、補返相佢都ok,冇話嚟完又嚟
3個讚
你無裝蚊網？其實裝返都係為貓貓好呀
愛協無家訪但都會叫你交相
1個讚
愛協1歲以下貓貓好搶手，好難遇到，比較多成貓同老貓。
1個讚
係極難，我成日捕住個網，一睇啱就衝去申請，都成日有人早過我
最後領養咗成貓
2個讚
成貓都好丫。我個時係朋友拎貓都已經1歲幾多個月。
我等我而家主子走咗之後會專領養老貓同埋傷殘貓，我要比佢哋一個好嘅晚年
我唔介意家訪但一定揀跟組織嘅，我好怕啲獨立義工左挑右剔，根本唔想放貓比人，裝晒窗網都唔比(我未試過但聽得多)
7個讚
我有個客都係，專領養十歲以上既狗，過幾年走左又領一隻，好有愛，好欣賞你地
3個讚
你好有愛心呀
我都係咁諗，不過暫時都未可以領養住，而家得個諗字
點解會唔想放貓？
我有朋友裝晒窗網又地方大，但係要返工，義工最後揀咗個家庭主婦日頭有人陪貓
得罪講句，好多係上咗腦嘅女人(真係冇辦法，我冇聽過男義工係咁)，根本唔信人覺得自己最好要晒啲貓。但條件所限佢就係要搵個 perfect 貓痴接啲貓，返工時間長唔得，你有窗網就撩你其他嘢例如多衫多雜物，我聽過有義工要求比完隻貓人要求日頭上人屋企探返隻貓，係留低鎖匙，日日嗰隻，你話係咪痴線
我家兩隻主子當初我係睇中其中一隻，義工上嚟家訪冇問題，但話領養兩隻好啲，咁我哋話到時睇下點。好啦到攞貓嗰日得我老公出去，攞我哋揀好嗰隻，佢發晒癲話講好要兩隻，大佬，你建議我哋話到時先，可以係過幾日再攞，佢係迫我哋嗰一日要攞兩隻，佢發癲話我老公唔守信用，有病我哋根本冇講實，最後揀多一隻
佢好彩，嗰日我老公去而我唔得閒，我老公好淋善冇同佢嘈，否則我去佢死咗十世了，我實剷爆佢
其實呢啲女人得把口，我老公同佢哋講話如果有黃貓叫佢哋通知我哋再攞，佢哋咪一樣冇搵我哋，係咪有心大家明啦
1個讚
我對細路一啲愛心都冇慘呢，一喺餐廳見到細路掉頭走，入都唔得 
老貓殘障貓冇人要，我覺得我可以勝任，我啲主子養咗十幾年我識照顧老貓，叫做做下啲對世界有貢獻嘅事 
5個讚
佢地有個花朵叫貓顛
1個讚
係？即係痴痴地線？
1個讚
我認我自己孤寒，寵物醫藥費貴所以冇養貓
如果你養老貓/傷殘貓，又要醫藥費，又唔可以同呢隻貓好多年，唔會好肉赤，好似好唔抵咁嗎？
雖然我覺得領養人地唔要嘅貓先叫領養，領養bb貓其實係同人爭，咁我唔爭bb貓都會有人要，bb貓係唔需要我領養
但係要我領養老貓，我又未至於咁無私
1個讚
如果老貓照顧得好，八歲十歲後養多好多年都得
我想減省自己平日使費(已努力幾年)去做呢件事，我唔覺得自己好偉大，只係我好想完成一個心願
我十幾年前已經想咁，但老公想養貓bb，我就佢，係好sweet 嘅因為主子當正我哋爹哋媽咪，但我已經傾好下次就我話事領養老貓
1個讚
可能我追求緊心靈滿足，我四十幾歲，唔係好鍾意家庭樂，我返娘家十個人我嫌煩會頭痛，夫家就少人但做唔到自己
我鍾意好宅咁過兩口子生活，兩公婆做自己嘢，啲貓喺身邊痴住瞓就係最舒服最幸福
我諗老貓需要一個家，我都需要老貓對我信任依賴同安享晚年嗰種感覺
我後生時乜都買夠，物質生活令我好厭倦，我而家只會買家庭用品同護膚品(捽塊面好治癒)，會有多啲閒錢捐錢，出力，養幾隻老貓
我又老，啲貓又老
6個讚
唔怪得之你之前話買貴兩蚊瞓唔著, 原來係有原因想慳錢gei.