我希望從學生角度出發解答吓大家對外國讀書嘅疑問， 順便同大家吹下水啦。
我想釐清大眾對去外國讀書嘅誤會
1.去外國讀書冇壓力？
外國讀書壓力唔係冇壓力。人生地不熟，係異地生活唔係易。要自己一個面對教畜，處理人際關係 ，再加上有時一個禮拜3個test，一定會有壓力。
2 去外國讀書唔使讀？
好多白癡認為，去外國讀書俾咗錢就肯定入到神校。其實錢只是門檻，世界上沒有免費午餐。去到全世界讀書都要付出。英國讀書都有測驗考試，你唔溫唔會合格。好多師兄師姐讀唔成書，中七畢業(有啲甚至係中五)就番咗香港做嘢。
3·外國係完美？
世上無樂土，英國都好多問題。香港同英國只係咖喱味屎同屎味咖喱嘅分別。睇吓你鍾意食咖喱味屎定屎味咖喱多啲。
上述全為個人觀點 希望幫到大家
（利申中文差 sor)
唔好意思,想問下點解你仲係英國讀,唔返嚟香港讀?係咪有乜好呀?
歧視嚴重嗎？樓主點面對?
寄宿一日3餐你自己搞點?食咩呀?平時有咩消遣娛樂?
你擔心嗰邊疫情嗎？樓主記得戴口罩同用搓手液呀!
謝謝樓主解答 
好奇一問，你幾多數開始寄宿？係父母要求的？ 有bully 問題嗎？ 會否對父母通話時會習慣報喜不報憂的？ 感情會有影響嗎？ 謝謝您
． 我鐘意英國嘅教育方式比較多元化 實驗同outing 都比香港多
·歧視一定有，試過有大人同我講亞洲人好醜。但普遍英國人對外國人都好友善。
．餐餐有菜有肉有甜品。但係啲肉煮到冇肉味，好似食緊紙巾咁，無味但有口感。個廚師好L有創意，諗到五花八門嘅方法烹調薯仔。幸運嘅係，我可以喺宿舍煮嘢食。
·平時同friend吹吓水 煲下劇當消遣 寄縮學校嘅生活好平凡好簡單
·呢排疫情爆得好犀利，但好多英國人都輕視武肺 。目測有一半人都冇戴口罩。英國政府又唔肯停課。
路過冇咩想問，想同你講聲真係要小心疫情呀。
嗰邊有口罩賣嗎？易唔易買到?見新聞話病毒變種,大家要戴口罩同勤洗手呀!
· 我唔算太細個去寄宿學校讀書。雙方達成共識先去外國讀書。唔好迫小朋友去外國讀書，始終係小朋友去讀書。
．困一班細路係宿舍困獸鬥一定有欺凌問題。男宿舍日日吹雞打交。女宿舍日日圍威喂玩小圈子。係一個咁嘅環境生存下都係，都算係一種成長。學校對欺凌態度冷漠 ，一收到風家長會出律師信就驚青。
·同雙親關係好咗，大家更加珍惜對方。平時會同老竇老母煲下電話粥。
口罩超級市場都有貨
香港手足同英國手足都要加油呀！
樓主,你係中學定小學過去?畢業後你打算係英國搵工定返香港?
你覺英國做邊行最搵食?
未有武肺前,你覺師兄姐們一畢業,難搵工嗎？始終係華人
仲有,想問下,如果中 or 小學,邊個區既 zone 易入老牌大學?又少洗費,相對 cp 值高
你覺邊個區邊個 zone 咩行業易搵工?(當然未有武肺前) 
想知樓主幾歲過去，同埋如果有得揀會寧願小六就去英國寄宿融入得好啲嗎？
父母唔係身邊會唔會覺得有缺失？
有朋友送左小朋友中一過英國，我覺得太細有保留
·我中學過去。
．我暫時比較想留英 我想發展嘅領域英國前途比較好。
．對當地人來講，醫生和律師係比較搵錢同穩定嘅工作。
·未有BN(O)平權前，最後決定留英發展既港人保守估計最多兩成半。大部份留英嘅師兄師姐都有英國護照，佢哋都搵到待遇唔錯嘅工。有泡菜國師姐冇英國護照，都係英國做到醫生。
·入名牌大學唔講區，係講你有冇料。私立學校校風好過公立學校。本地同學話公立學校比私立學校多欺凌事件。公立學校部份學生背景較複雜，較多學生有不良嗜好。
．英國對科技發展及醫療人才需求好大。
謝謝你既分享 
grammar school 如果 grading 有 outstanding 風氣會唔會好 d?嚟緊都幾多香港人過去英國,都係揀公立中小學讀 
另外 pharmacy 定醫生較吃香?如果識配藥,但無牌,可以係藥房做嗎？人工大概幾多到?英國讀乜可以考返個 pharmacy 牌?
有朋友讀緊outstanding 公立學校，間學校風氣唔錯，佢讀得幾開心都識到一班志同道合嘅朋友。不過公立學校對English as a second language 同SEN既支援會較少。
鬼妹同我分享過公立學校遲到一至兩個鐘都唔會俾人罰。差少少嘅公立學校有學生日日食煙飲酒，隊草。考試週草係會缺貨。
醫生肯定比較吃香。英國人普遍好尊重醫生。同學聽到你老竇老母家姐阿哥做醫生會雙眼發光，唔係講笑
。英國醫療方面法律管得好嚴，所以無牌藥劑師應該唔係太有可能發生。藥劑師嘅詳情我唔係太清楚，有興趣可以上網搵吓。
我唔算太細過去。 中一過去適應唔係壞事，香港初中課程比英國辛苦好多陪。英國初中生嘅職責就係玩，上堂好多遊戲。相反，我初中喺香港日日六點放學，喺補習社留到八點，真係唔知為乜。
因為聽聞外國係醫藥分家,想知係咪真係藥劑搵錢多 d
八下：你哋英文堂係咪即係文學堂？
你老母係唔係，日日哦你，叫你入牛劍
Yes
咁你真係要考到呀！唔好辜負你老母嘅期望