本身想生第二個，但拖拖拉拉呢一兩年先認真決定有共識生。
目標為本勤力左大半年冇中，之後就隨緣左半年，一路都冇中。
今年因為剛升職工作從新適應，老公又忙…所以又擱置了…如果要生最快要2021年年尾
但到時大仔都差唔多十歲，我就三十七歳，怕生出黎風險大怕BB唔健康…
真心，好後悔冇早啲生
既然係咁你一定要生第二胎
3X 生點都好過4X先生
1個讚
三十七唔算好大年紀
但大仔都十歳、呀二生出嚟同獨生冇分別
如果你身邊冇乜朋友呢幾年生、小朋友大大下就要花時間陪佢出去識朋友。
仲有大仔未來幾年會有呈分試、呀二仲細又痴身、要有心理準備
1個讚
我個人觀察，姐妹都仲可能長大後關係良好
男人長大多數都係痴老婆，好少長大後兄弟情深
所以既然大嗰個係仔，真係唔生第二個都冇所謂
不如留返啲錢，自己養老減輕個仔嘅負擔。或者比首期個仔娶老婆仲好
現實啲講，個仔想獨佔父母遺產添啦
生多個，又駛多左錢養，有遺產剩又要分一半
6個讚
客觀條件講,唔生好過生~
但你又講到好想有第2胎,咁就繼續試啦,37歲生第2胎唔算高齡啦~
如果真係好想要就繼續試，我諗40歲之前搏到點都好過40歲再左諗右諗。
不過比我就唔會再生，相隔10年先再照顧新生兒，乜嘢都要重新嚟過。現實啲咁諗，阿二讀小學時連阿哥嘅「兄姐必收分」都無埋，揀學校又麻煩。
利申：一胎封肚。
3個讚
我見你既語氣係想但有心無力個隻
自己好好衡量一下先決定
怕你生既，自己身體上同埋心靈上都辛苦
ME 2
其實真係要好清楚想生第二個嘅原因
如果係純粹熱愛生命、好想要多一個小朋友嘅可以去馬。
如果只係為左大果個有伴陪、就不如揾多啲錢實際啲。呢個世代好多人都係生一個、佢哋大個左好自然會有自己嘅朋友圈子、真係唔係想像中咁寂莫。
1個讚
樓上講得好啱，唔知你經濟條件點，如果係我，唔移民都會想留返個錢送大仔出去。
如果大把貨唔休，生幾多個都冇所謂啦
諗清楚想生多個原因係乜？個人認為係現今亂世，並唔適合繁衍下一代。
以家有時望住個女，都好想同佢講聲sorry.
5個讚
37歲都唔係好大年紀。
大仔仲可以幫手湊b,不過最好都問下佢意願想唔想要細路妹。
1個讚
如果好想好想生就比個限期自己，一兩年內唔得就放棄，之後做足防護措施。
前年我都有同樣爭扎，最後睇醫生積極備孕，係大仔7歲生左細仔
大仔比我想像中鐘意細佬bb
有幫手照顧，當然都有呷醋，不過整體係全家人都好開心。第二胎有經驗，唔覺湊 new born 好辛苦，反而心態上覺得應該係最後一次生bb, 佢每一刻我哋都好珍惜，知道bb大得好快。
我個人覺得想生就努力追，睇媽媽身體狀況決定，祝樓主早日心想事成
1個讚
好同意伴係父母一廂情願呢個講法
3個讚
邊有得諗咁多
八十年代咪又係一片光明、果陣又有邊個諗到香港今日會咁。
仲有、出賣香港班人、咪又係受港英教育、又出過去留學。
反而大陸一樣可以出到秋實同劉曉波…
3個讚
想生就趁早生，37 歲以現今科技唔算高齡，“女人身體好，生到 60 唔離譜”
不過你要諗下自己承受到唔到 4X 歲帶仔考小學、考呈分，50 歲青春期，60 歲大學畢業。始終年紀大，心力體力都差啲。
1個讚
想生最好40前
37都仲OK啦, 好多人過左40先生第1胎
可能係我自我感覺良好，我覺得個仔好幸福
因為我有懷孕前就係做好曬planning
教育方面都有花時間做過research，開心學習，做適量功課就可以玩玩玩
小朋友由細到大都係我自己照顧開，唔係比工人/長老，每逢weekends/假期就一家三口family time
唯一係差在錢唔夠多（應該好難會覺得夠）
幸運是你
