我只係諗到放喺自由講場，又冇理由喺時尚扮靚 
筆我買一兩支少少貴但勁好寫嘅，換到筆芯嗰啲，一用用十幾廿年都得
啲靚靚嘅單行簿我都會忍唔到手
其餘文具就冇乜 
1個讚
有呀到宜家大個左見到靚既memo紙﹑簿同file都仲會想買，但真係無咩機會用所以有忍住唔買 
file 我淨係鍾意用白色透明，但我見到靚會買比同事，我有同事鍾意 Hello Kitty，又有鍾意麥 dull，只會買比佢哋
有時啲 file 真係好鬼死靚
1個讚
屋企有兩三支筆, 主要係用來填表(如冇e-format)/簽名,
膠紙座一個, 已用多年,
5-6個file, 分左唔同顏色/圖案, 用來放唔同單據, 每半年清一次,
真皮單行簿, 紙質非常靚, 買左4-5年, 仲未發黃, 我有收集戲飛尾習慣, 但而家轉左用e-ticket, 可能再過多幾年先有機會用得晒,
少量masking tap, 用來分隔戲飛,
所有文具都係實用出發, 冇買多餘野, 雖然係街見到靚野都會心動, 但都控制到衝動
請問邊款筆好用?
我支支都好快玩完
有、全部靚私伙、得閒睇下都開心、應該係補償童年遺憾
有，好難忍手。
上司幾日前先送左靚文具畀我做聖誕禮物，日本製造 
成日行街都會留意啲靚文具，
不過而家用文具嘅機會真係愈來愈少，
唯有忍手唔買
1個讚
大量顏色筆，用極用唔哂，寫日記/notes會用下
簿好少又平又好寫，日本出的太貴，大陸出d cheap嘅有時紙有少少臭味
以前成日行中南，而家無lu~
無印都夠用，芯$5支，又唔怕冇得買。
仲好貴…
有啲公仔File平啲廿幾蚊。有啲見過4、50蚊…
點解可以咁貴。
我最後一次買公仔File係芒亨貓，買左3四個，印象中都唔洗幾十蚊。
我公司有提供筆，但我私下買Parker, Cross 嗰啲
講真，我每逢要裝修間屋，就會買文具
因為係唯一機會要寫同file好多嘢
平時拎筆最多係簽名
我都好鍾意買靚文具，最鍾意去台灣同日本時行文具店，不過而家少用咗好多，所以見到靚都唔夠膽買，用靚文具個人心情都好好多
之前同朋友去日本，因為佢唔需要買文具，搞到我冇得盡情行文具店，係咁以睇咗就要走
聽落好吸引喎係乜嘢文具嚟㗎 ？可唔可以分享吓
啱啱今日買好2021年小王子organizer, 同埋一本用原子筆畫畫嘅書，希望來年可以多d用文具！
Btw, 而家多埋阿囡嘅顏色筆用，雙倍工具，好enjoy 
2個讚
都可以盡情睇ka～
行日本文具鋪，簡直係享受。
講下喺香港你哋喺邊度買文具？
我買筆就去啲專賣筆嘅小店，上環有一間
另外D2 Place，Bookazine，Kikki.K ，文具簿社，誠品啲記事簿都好靚
普通文具我貴乎實用，通常去舊文具店就手
中南，不了
因為我朋友冇興趣行文具舖，所以逼住我早啲走
我都好鍾意行日本嘅文具舖
我去丸善同紀伊國都破到產，何況啲精巧小店
1個讚