政府最快本月底安排全體18萬現職公務員宣誓或簽署聲明擁護《基本法》及效忠香港特區。公務員事務局局長聶德權早前表明拒絕宣誓的公務員有機會被革走
政務司司長張建宗在電台節目時表示，宣誓目的不是令公務員「難做」，強調公務員擁護《基本法》及效忠特區是「應有之義」，辯稱公務員有自由作出選擇，然而所謂的選擇權是「唔做政府工、唔入政府咪得」。
港府原先僅指公務員拒絕宣誓會影響升遷，張建宗就指，公務員簽署聲明擁護《基本法》及效忠特區，等同僱員簽約時希望幫助公司發展一樣，「無理由同公司對著幹」。他又反駁簽署聲明令公務員「難做」的說法，指員工有自由「選擇」，「唔做政府工、唔入政府咪得」，並重申「公務員效忠特區係天經地義、應有之義」。他並指由7月1日起所有新入職的公務員「無一個唔簽」，呼籲公眾不要將事件「上綱上線、政治化」。
張建宗稱公務員拒宣誓：是否忠誠已昭然若揭 或影響退休金
至於不願簽署聲明的公務員會否被革走，張建宗稱，公務員拒簽聲明令人懷疑是否對政府忠誠，以及是否適合在政府服務，「令人對你忠誠有懷疑，佢對政府嘅態度昭然若揭」。被問到會否以「公眾利益」為由着令拒簽聲明的公務員退休，張承認當局正考慮實際上如何執行，而會否影響退休金的問題，他表示視乎實際的情況。
被問及公務員可否參與遊行示威，張聲稱，公務員守則已經有寫明，而政府合約員工是否需要宣誓，局方則在日後交待。
冇任何私人公司會叫員工宣誓囉
而且人哋入職時冇話要宣誓先入，你咁係違反當初個僱傭條例
4個讚
中資反而正路，人哋從來冇話政治中立。但公務員事務局成日話要政治中立
4個讚
要走的都會走，入唔入到藉 5,6年後先知。
咁同急住宣誓有咩關係？
2個讚
咪係，成件事好鬼。真心講，97果時叫人宣誓就make sense d
我估咋，宣誓後佢會施壓比公務員唔可以靠BNO走，例如要佢哋申報有冇BNO，再絕啲同英國講唔好收宣誓呢班人，散佈黑材料，搞屎搞棍
宣誓唔係重點，係宣誓後佢點樣攞呢樣嘢要脅人先係重點：郁啲就話你犯國安。
初時就你 ‘做乜’ 犯國安，第時係你 ‘唔做乜’ 都犯國安，會告你tim
7個讚
唔會聽佢講，因為根本唔需要聽佢講：你係英國，你會唔會接受一個2021年向港共政府宣誓嘅公務員入籍？
個人意見咋
2個讚
都冇人知份文本內容係乜，好難判斷。
只係唔明佢咁急又唔清楚解釋，重要越來越急為咩？
好難令人釋疑
3個讚
西方國家泛指contract-based system 嘅地方對宣誓好重視，香港到今時今日(就快唔得)可以立足世界係因為所有嘢明文規定，你簽咗名有乜拗撬都可以打官司。就算係撩隻龜，只要出自你手你都要負責任，而唔係某國靠關係，靠人事，靠錢處事，發誓當食生菜
所以宣誓係好重要好莊嚴嘅一件事
我就唔信英國會ok 接受宣誓咗嘅公務員入籍了
2個讚
