就係貧富餐去「體驗」貧窮
遊戲係咁玩既，搵一個 lunch time, 參加者去抽簽睇下今日食咩野，有4個choice
1。無野食，仲要坐地下
2。清水一杯，生命面包一片
3。大快活 show me your love 飯
4。高級日本餐廳便當，大約 ＄200 一盒。
總之抽到 3 或 4的人去跟 1 or 2 的人分享，你就有光環。
教牧叫我去玩但我無去，我同佢地講，1, 2, 3, 4 我都經歷過，所以唔使玩. 我叫教牧提下抽到 1 2 班姊妹，真實環境你係笑唔出，仲唔會有 3 4 既人分野食俾你。
以前小朋友間小學搞過一次，超無聊
以前學校有玩過呢d
同之前 貧富翁大作戰咁
⋯⋯點解要咁做，想人學同理心？
之前都有節目玩過富翁體驗貧窮生活 d富翁係節目講到點點理解窮人 自己其實好幸福之類既感想 不過我相信佢地一出個鏡頭就諗緊去邊度洗錢啦
食少餐咪當減肥囉。
要體驗做盡d，水喉水，過期麵包。
有錢人係體會唔到窮有幾慘
窮唔只係生活得差，更重要係諗唔到將來會點，今餐都未搞掂，講咩未來夢想理想計劃
“快d完啦，做完未”
我曾經同銀行職員講過類似，響佢叫我做多份儲蓄保果時
富貴教會
係囉！我同佢地講，呢啲野你地好彩，上帝未俾你地試過.
上帝要佢哋黎收𡃁，搵朝唔得晏邊會同你返教會。
同助手講 下次咪再安排呢d行程
我覺得睇下參加者幾大，同咩階層。我仔學校年年都有攪，我覺得幾好，佢哋無經歷過無飯食，突然有餐飯得麵包清水，可以留個位比佢地反思，所有野唔係必然。
可能樓主係大人，試過所有，所以覺得無聊。
認識一位無家者義工（即佢本身都係無家者，但又會去幫無家者）會係中學攪體驗活動：收哂啲中學生電話，一人比$20，過三日兩夜，呢啲就叫好少少既體驗喇！佢話啲學生試完之後真係好深感受，叫你教會試下啦
係教會攪就堅無聊，咁大個人點會唔知窮嘅有幾慘，呢D咁嘅體驗可以慳返。
如果係初小學生嘅活動，等佢明白珍惜食物同分享食物可能會有更好嘅效果。
我中學都有呢啲，仲要捐$50先有得參加，攞苦來辛
記得以前學校有搞famine lunch 雖然係宗教活動但同時想同學關心世界饑荒問題 最初幾年捐20蚊就會派一個麵包同一盒牛奶 參加同學lunch time留喺班房睇片或者其他活動
後來有家長投訴話學生會餓親 下午好難專心上堂 之後就轉左同學捐錢 攞麵包 但之後可以照出街食飯 完全無哂意義
怪獸家長太多