我棟大廈有確診，我呢幾日鼻敏感加m到有d唔舒服想驗下，拎樽仔可唔可以朝早唔刷牙去拎樽再即埸留口水交埋樽？因為盡量想減少出街，出街又凍又要洗衫褲噴鞋噴袋。。
直頭可以call衛生處叫你黎送你去醫院驗呀
避免同其他人接觸
你呢個可能係病徵呀
因為呢個武漢肺炎病徵可以超級輕微
我記得之前有速遞公司提供上門收樽服務
一百蚊一次 直接幫你送去最近嘅收集點
不過唔知而家仲有冇 你可以上網查下
3個讚
去政府診所攞樽交樽。我見例如沙田圓洲角診所、荃灣沙咀道球場交樽都喺戶外地方交，唔會好多人迫埋一齊。
樽仔原意就係要你唔刷牙唔食野（即刻刷都要一兩粒鐘後）去留口水先準確。
但政府診所職員未必比你即場留口水，始終有污染環境風險。
可唔可以叫屋企人幫你攞樽仔，然後先自己去診所交
仲有呢個服務，你攞樽時，附帶的紙仔有寫。
你拎咗樽仔後，搵個少人角落頭/toilet即吐即交。
1個讚
留sample前2小時，唔可食或飲嘢。
有準備，應該ok
袁國勇之前係咁教～
哈~
睇完樽仔附帶的紙仔
我都好疑惑
因為紙的內容同機場留樣指引的內容有唔同
不過，我諗做足就唔駛心掛掛
其實即場吐真係唔建議，先唔講你自身有無事，其他想走少轉的人一定喺附近吐過唔少，真係好唔衞生，喺toilet 細細的空間，咁多有病徵的人除過口罩真係好危險
另外，要吐到足夠的容量，都要吐好多次，唔係一吐就搞掂
1個讚
其實攞樽同交樽都可以請朋友代勞，真係好唔舒服真係要入急症室，啲樽check 得嚟都三個工作天
3個讚
叫屋企人幫你拎同交樽
口水要早上第一啖口水因為含菌量高，準確d
如果好唔舒服去睇醫生
其實係。
無唔舒服，又想快可考慮預約社區檢測中心。
誠哥藥房有 DIY 檢測套 會考慮嗎?
樽仔好慢，我上次一樣同棟大廈中，見到人來清潔我地部 lift
第二朝衝左去健康院攞樽，9 點開門，我 8 點鬆d d 到已經排到 73 號籌 （原來限量 80個，每張八達通可以拎一個樽，每人最多拎兩個），返屋企沖涼換衫消毒，再瞓返上床 2 粒鐘後先留 sample⋯⋯
同日 3 點前返去交樽，比我見到金x 有架貨 van 來 pick up⋯⋯ 班阿嬸/ 司機係無咩感染控制的 sense ，好鬼 hea，隨便丟入個膠箱。成個流程同感覺都係差，然後係屋企坐，無了期係度等都勁慘。
我星期一去，最後星期五早上先收到 sms。
YES！呢 d 錢唔好慳，我即日 book 即日去驗，第二朝 8 點收到 sms 有條 link 比埋 pdf 我可以直接 share 比 HR。
我鄰居更心急，衝去私家醫院做即日有結果。都係一千蚊內。
1個讚
該主題在最後一個回覆創建後30天后自動關閉。不再允許新的回覆。