我屋企成員有我同老公仔仔3個人, 同埋貓狗5隻, 全部都係流浪/人地唔要執返黎,
貓狗養左好多年, 同仔仔一樣都係仔女, 一定唔會唔要佢地
唔係有錢果種, 租私人樓, 冇物業, 本身有6位數儲蓄,
同老公2個有bno, 為左仔仔都想走,
計過度過, 全家走要大概20萬, 住洗費最平既swindon, 租house 6500就得, 一家3日餐餐自己煮既話一個月搵20000扣埋稅都好夠洗,
計劃辛苦D慳錢, 儲夠30萬就走,
不過舊年其中一隻貓有事, 用左3份1醫佢, 然後, 係武肺, 半年前老公頂唔住, 破左產,
上個月我都失左一半業(詳細唔講太多, 總之係老公幫唔到手情況下, 本來勁慳情況下一個月可以儲到8千蚊, 到而家勁慳情況下先可以生活到)
唯一好彩係雙方老人家都生活無憂, 有樓收租果種, 所以冇影響到佢地, 都唔洗擔心佢地, 不過佢地勁藍之餘, 係覺得親生仔不如近身錢果種人, 所以唔會有任何支持(借都唔得)
一開始好絕望, 所有野好似排住隊咁一下又一下咁打落黎, 不過都同自己講, 要撐住!
而家唯有努力挨過左個疫情先
見到好多人都15 16去唔去好, 或者擔心夠唔夠錢去, 其實大家睇住呢2年, 都知道黎緊發展會係點, 冇野重要得過性命安全, 而且, 英國真係好大, 生活指數同香港差唔多既有倫敦, 生活指數得香港3份1既又有北爰, swindon等等, 所以去到點樣生活邊度生活都好有彈性, 比D心機搵資料, 總會搵到適合你既地方,
希望大家決定去既平安到埗, 生活愉快!
同埋, 希望4-5年後仲有得走,仲有bno visa, 我一家人可以儲到錢去, 到時可以同去左英國既大家見面!
