老公同一間公司做左五年，一直想轉工/ 升職，但都無消息。反而身邊同事就係咁走。
呢大半年大家都係work from home, 我發現佢工作態度唔係咁好，易黑面， 多埋怨，發放負能量， 公司的appraisal 都提點過呢樣野。佢個性都幾敏感，我怕我講佢會發脾氣。 我唔知好唔好再提點一下佢。你地覺得呢？
我通常唔會直言，拐個彎講
如果佢唔受就之後唔講
4個讚
唔好講啦
兩公婆感情緊要過錢
上司都講過佢有呢d問題，改善唔到都無辦法
7個讚
你平時同佢相處點先？佢其他嘢聽唔聽你講？
樓主話怕佢老公會發佢脾氣，你話呢
搵第個同佢講，你講冇用之餘仲會有反效果
2個讚
唔會提點。
但會同佢講唔好將公司既情緒同語氣帶番屋企黎對住我。
7個讚
你平時工作會唔會同佢有交接？
其實易黑面，你話佢更黑
1個讚
唔會啦，佢銀行，我做HR
1個讚
唔會講，appraisal都已經提左，佢都已經知道問題所在，你再講，只會徒添佢既壓力。有時性格同脾氣既野，真係好難改，知易行難，
其實嚮屋企唔講公事係會健康d，除非佢問你。
8個讚
都係扮演返老婆角色好d
除非有信心講得服佢㗎啫
千祈唔好爆發緊嗰陣講，奶硬
2個讚
提過就算，我之前就係太好心，最後換來係自己一肚氣
3個讚
公事還公事 公事當然由公司提點 除非佢主動要我畀意見 否則都係唔會理
況且上司都講過 佢唔係唔知 所以唔需要由老婆話佢知架噃 問題只係佢自己肯唔肯改 或者需要幾多時間改
1個讚
唔會話佢態度差，不過會話見佢做得唔開心，提議轉工
態度差可以因為同同事夾唔到
轉新環境可能有幫助
順便睇吓有冇機會升職
1個讚
男人好要面架，我老公係屋企用zoom開會，開完我好心提佢頭先有幾個英文字發音唔啱佢都黑我面
1個讚
一定唔會直接講。
有時佢心情好講開工作上嘅嘢會問吓當傾計，但點到即止
反正份工係佢返，換轉係自己都唔想返到屋企仲要比人提點嘅
除非佢講開, 唔係都係費事講…
因我都試過, 我老公又係同一間公司做左好多年, 都冇咩發展機會。而佢就係成日郁D就請假既人, e.g. 小小頭痛又SL, 唔知醒又請半日AL咁。我知佢個位, 係要人用但難請人, 所以公司又冇理佢, 但同時又唔會比你上位咁…
而家home office, 我日日9點出黎開電腦做野 (有時仲有morning meeting 7點幾就開工), 佢就日日訓到食lunch…有時我入書房聊下佢就見到佢上高登呀睇youtube咁, 好似好得閒咁, 我都有同佢講過, 唔怪得你話你公司對你投閒至散啦, 你成日請假, 我係上司都唔知點對你委以重任啦…佢就唔多岩聽, 覺得例如自己成日夜晚做野補返時間etc…總知就唔係太想我咁講, 覺得我唔識.
所以之後我都費事出聲。
1個讚
我試過講我老公，佢大發脾氣。就算佢主動問我意見，我講完佢都係會嬲，唔好話佢無提既時候啦
1個讚
伏黎嘅？？！！
係咪淨係想你話佢啱哂，係人地錯
1個讚