剛才係姜b嘅ig重溫佢打籃球嘅英姿，突然諗起自己中學時嘅初戀係籃球校隊，嗰時最鐘意放學後去睇佢同班朋友係學校打籃球，嗰種仰慕嘅心情，真係勾越晒青春嘅回憶。
之後個男朋友（依家老公）係學校泳隊，又係放學後，我就走去睇佢練水（以前我讀間中學有泳池），嗰時班仔仔練水，係會吸引到一班師妹係池邊好陶醉哋睇班仔仔。雖然嗰時男仔都仲處於發育期，但班仔仔要操足6日水，又要操體能，我當時嘅男朋友真係操到有肌肉㗎，攪到我對住佢時成日心心眼。
呢排Viu播排球，我嗰件一向唔追電視劇嘅老公，會準時坐係電視前睇班小鮮肉打排球，佢話呢套劇勾起番佢中學時期同泳隊隊友一齊操，一齊為學校出去比賽，嗰啲熱血感覺出番晒嚟喎。