舊年開始有睇呢個fb page, 個男既好努力去解釋同話比佢老婆知事實，因為佢老婆全家都藍，舊年仲見到佢話老婆變左淺黃。
估唔到原來老婆一直係無變到係藍，最後離婚收場
https://www.facebook.com/110378283645699/posts/400926301257561/?d=n
6個讚
價值觀唔夾係辛苦嘅…
3個讚
政治唔係所有，相愛既人唔可以講政治咩? 其實唔係，只係o係講政治既過程入面有無去尊重同代入對方既諗法。
2個讚
正如男講口不擇言，禍從口出，其實明知個老公係黃，講埋啲咁既野唔避諱。
佢地冇小朋友架可?
冇小朋友的話, 價值觀唔夾, 離婚都不是壞事. 對個唔啱傾的人對成世, 好辛苦.
有小朋友的話, 我都唔知點算, 離又唔係, 唔離又唔係…
9個讚
好彩無小朋友咋
3個讚
冇小朋友就快快分
呢樣唔係政見問題,而係價值觀,良知問題
12個讚
分開可能仲好，好老實同一個無良知既人過世係好難頂
5個讚
對方同自己政治觀唔同, 仲要話啲後生仔係"抵死" …收下口唔得
咁表示佢唔尊重對方, , 一齊都無意思
3個讚
我又諗起森美話愛可以戰勝一切…
個女聽眾打上去《愛情驗屍官》問主持意見
話自己同個男仔拍咗好耐拖 由外國讀書到畢業返香港都仲係好愛大家
但自己係黃 而佢男朋友堅要考入果個與香港人為敵嘅職業 覺得好辛苦 成日要聽佢啲歪理
身邊嘅朋友都叫佢分手
而森美就堅持話愛可以戰勝一切…政治唔洗行先。但係生活離不開政治，點解香港唔似新加坡可以有海水化淡廠，自給自足？政治問題。點解香港啲自由行會過盛，破壞香港經濟平衡？政治問題。點解香港警察可以踩人個頭隨時侮辱市民橫行霸道冇後果？政治問題。點解香港咁多有單程證？政治問題。
呢度都有黃藍夫婦，如果可以繼續相愛繼續生活嘅，我都祝福你哋。
但如果未結婚嘅，希望你哋諗清楚，要喺黃藍入面攞平衡太難了。失敗嘅例子比比皆是，如果生埋小朋友，要再諗教育問題，仲更加難處理…
8個讚
如果理性處理到感情事係好既， 同埋忍未必係解決方法， 見副教授殺左老婆這個悲劇都係一個啟示
1個讚
黃藍已經去到唔止政見問題, 係人性問題.
伴侶喺另一面嘅話, 站喺黃角度, 個伴侶就係感受唔到香港人痛苦嘅自私冷血人渣,
站喺藍角度, 個伴侶就係容許破壞社會安寧嘅搞事暴徒.
今時今日香港咁嘅環境即使做得到完全唔講, 對黃嗰個都絶對係煎熬.
12個讚
人生活上係冇辦法避開政治架
所以啲唔理政治既港豬遲早會後悔
5個讚
妳講緊我
愛對方唔代表可以溝通到，而溝通係夫婦嘅根本
我都好希望愛可以戰勝一切，但呢兩年見到好多唔好話夫妻情侶，連有血緣關係都可以趕出街或篤灰，對普通人嚟講，愛唔係想像中咁偉大
有大愛嘅人真係唔多，大家都係普通人
3個讚
幾愛都好，政治取向關乎良心同價值觀，唔夾就係唔夾，呃唔到自己
如果因為取向唔啱而避談，即係話開始唔溝通啦，咁點維繫感情？
如果我老公藍，唔使講，一定離。
我冇辦法同自私嘅人同一張床
4個讚
有小朋友仲多衝突磨擦
想像唔到一黃一藍屋企點教小朋友，阿媽鬧黑警，老豆鬧暴徒
5個讚
其實有三樣野好影響個人價值觀，如果唔夾可以唔使諗結婚，因為唔會有好結果：政治，宗教，金錢
15個讚
我盡量唔講政治，如果我老公講，我會黑面成晚唔出聲唔睬佢