可否係度做個統計，做過無痛順產既媽媽分享下，無痛係咪真係完全唔痛？如果只係減痛，你覺得減左幾多成呀？我而家5個月，仲未諗好無痛順產定開刀好。煩惱中～
第一胎 用左epidural
痛楚無減少
醫生解釋人人反應唔同
Ps 之後生第二胎 無用epidural 完全一樣咁痛
1個讚
無痛就算用咗，去到阿B落得夠低都係無用
我嗰陣用咗最初減到得少少痛，仲瞓到一陣覺
之後開始㩒極都無料到，醫生檢查就係話開到咁上下，可以生得啦⋯⋯
第一胎嚮政府用無痛，等開度數時，的確可以瞓下，休息下。但去到最後，都係要拔針，因為你冇痛既感覺係唔識用力。我果陣太遲拔針，到生得時都唔識用力，搞到BB卡到一半，出世時塊面係半紫，嚇死我。好在最後冇事。
如果比我重頭黎過，未必會嚮無痛分娩。
我響政府。要求做無痛。最後因為種種原因都做唔到。
但護士同我講到最後都係要痛先生到。
結果聞笑氣。聞到high晒都係咁痛。完全無用。痛到咩咁。唔知點樣就生左。陣痛到生13個鐘。生完馬上已經忘記果種痛係點。抱住呀b,. 咩都抵返晒。
生第2個催生。我已經無要求任何野。只聞氣。有經驗已經唔驚。催生一黎就大痛，但3個鐘就生左。 快令正。
1個讚
岩岩9月生，打左無痛。我打完真係感覺唔到痛，成個人生猛番，但就因為唔係好感受到痛，所以唔識用力push bb出黎，要助產士幫手㩒肚push bb出嚟
1個讚
陣痛嗰陣真係完全唔同 仲響度睇電視食早餐吹水
到生個陣減無痛 痛左45分鐘度就生左
我覺得就算生個陣既痛都係可接受既
起碼我無喊，想大叫一下就被姑娘叫留番啲氣
所以其實都忍到
PS我響私家生
1個讚
私家無痛，真係唔痛。生嘅時候好似急便便咁
1個讚
私家兩胎無痛
100% 冇痛 冇減藥生
兩胎都係十分鐘生左
用力用得岩係唔洗feel到痛都生到
2個讚
我政府無痛，一開始半邊身唔痛，半邊都仲痛，不過已經好好多，個護士叫我轉身去第2邊等d麻醉可以過返去就好好多，到生之前個一個鐘要停藥咪無咩力生，最後到生我都覺得唔太痛
有冇話開到幾度要求打
政府醫院生，用無痛都痛到癲，要加埋笑氣，索到嘔食唔到嘢，到生完聯緊針時已經冇曬感覺，不過都成廿年前嘅事lu。
無痛真係少咗痛，個壓迫力還是有，但我都唔夠力，要吸出來，比起第一胎舒服好多，第一胎自己聞氣，死去活來
1個讚
Feel唔到痛真係會唔識用力，bb會出得慢啲就有機會危險，因為公立批無痛嘅速度慢過我開度，最後我痛足全程自己爆b出黎，講真第一胎，就算100%痛都會唔識用力，要每次陣痛push都調整出力個位，直到覺得岩位就調整力度⋯⋯
我生之前有問睇開嘅私家婦產科醫生點解啲人話無痛分娩會大細齊齊發燒，佢話因為無痛會令產程慢左，產婦唔識用力生。不過係公立生⋯⋯某啲醫院會提倡純自然分娩，咪話打針，連剪都唔想幫你剪。
減咗80%左右, 都會有少少感覺但好輕微, 輕微到可以訓得著, 但度數開到 7度就要停無痛直到生架喇, 所以藥效無咗都係要捱十級陣痛
1個讚
想請教點叫用啱力？
我當年完全唔知點搞，最後要吸BB出黎
我都係100%無痛，無減藥生
吸大大啖氣，唔好縮起個膊頭
吸完個肚會脹左就係岩
其實原理係增加盤腔壓力用果個壓力去推佢出黎
唔係柯屎咁柯 所以吸得岩 個壓力會push bb
2個讚
好驚呀，你係私家做？
都幾驚喎…
聽到都腳軟啦…