最近同個仔傾開偈, 佢忽然話想去韓國留學, 我即刻上網都GOOGLE 下, 原來讀大學要有四級韓文要求, 想請教有無JM 有呢方面經驗? 香港邊度讀好? 過到去又邊間大學好? 感激~
路過，前年我女都係咁講，話想去韓國讀大學，上年轉左想去台灣讀，今年話邊度都唔去。
可以打去韓使館問？
我都覺得佢未唸定但我自己都想了解多啲先。
好奇想知道韓國大學有咩優勝之處想過去讀?
我淨係識人話想學韓文就過咗去讀, 然後嫁埋過去
其實考到韓文試夠資格，又考到大學咪比佢去，咁難都得應該好有決心，你阻唔到佢
考唔到就唔駛諗
4個讚
應該係後生既中意韓國明星所以想去喇
3個讚
中四仔，叫佢自己諗啦
得閒問吓佢d韓文點解問吓佢去邊學韓文囉
父母最多負責錢㗎咋
3個讚
純粹個人睇法，因為之前都同阿女討論過。過
去韓國定邊個國家都有可取之處、同一定經歷。
但將來呢？畢業後嘅機會優勢？
我所知韓國讀design 嘅人唔少、同電子行業有關嘅學科
1個讚
番學點會揀韓國…
韓文唔易，再加上韓國文化，好階級，要適應到先得
睇得韓劇多?
佢有冇話想讀咩major? 同埋要同佢傾下留學後既去向，會返香港發展定留韓國做野?
韓國搵工爭到你死我活，大公司多數睇最出名個3間大學 (首爾 延世 高麗/呢3間要求topik5-6級)，為interview要準備好多野，keep住考好多資格證，放工仲必定要參加公司聚會，唔參加又話你唔合群，工作文化同香港好唔同，講起仲辛苦過係香港。
大學制度方面，個邊都讀得辛苦過香港。如果純粹因為鐘意韓星，而想過韓國留學，我可以講去到完全係兩回事黎。除非你經濟條件唔錯，當俾個仔見識下而又唔介意佢有機會將來出路未必好好。
我以前喺韓國讀過書
雖然話好多大學係韓文4級就可以入學
但大學入面幾乎用全韓文
冇5-6級水平都會好吃力
如果一心真係要喺嗰邊讀大學
嗰陣我識最多係花一年時間先喺嗰邊淨係讀好韓文之後先考學校（每考一級大概要3個月 由零開始讀到4級先要1年）
基本上外國人要考當地大學唔算難
但除非你本身讀書超勁
否則都冇乜可能入到SKY
唔知你囝囝因為咩原因想過去讀
但最好俾佢自己試吓搵多啲資料再睇佢自己有冇能力同埋決心先會好啲
我都係咁諗呀 
韓國朋友有料既，都會去上海香港返工。韓國返工競爭仲大過香港
其實我都無研究, 首當其衝一定係韓流影響, 所以我都要自己研究同了解多啲先。
其實無唸過阻止, 但依家阿媽我自己都一頭霧水, 所以真係要了解多啲先可以幫到佢。
多謝你哋回覆呀, 其實你問我, 我都一定唔會唸到佢想去韓國留學, 學你哋話齋作為家長一定會唸好多長遠啲嘅事, 但呢刻我唔想否決佢, 畢竟呢個年紀, 難得佢忽然同我講佢有呢個唸法。
佢話想讀音樂, 但實際去邊間, 日後發展如何, 我敢肯定佢一定未唸到啦!! 佢只係呢半年自己有網上學下韓文, 被韓星/韓流迷到就更加一定啦, 所以我呢刻只係想，可以嘅咪陪佢去聽下講座, 畀佢學下韓文, 等佢又接觸了解多啲先, 或者佢接觸多咗又會改變思想都未定。
但因為呢刻呢個PROJECT對我嚟講，都係好多黑人問號，我自己乜都唔了解，所以都想上嚟問下有無邊間有講座聽? 或者香港邊間讀韓文好?
我女如果今年香港升學，都係中四，而家諗真係唔長遠，一定要認真諗去向啦。
如果音樂，歐洲國家可以話係係首選（我住呢度好多學生專登過嚟讀音樂、加上呢度有音樂高中）。
學咩都一定有得著，但學語言要好多心機時間、尤其練習，我女讀語言高中（修3 種外語），所以當中苦樂參半。
你可以去search 韓國升學、唔少機構有資訊