/cloudfront-ap-northeast-1.images.arcpublishing.com/appledaily/ISKVPKIFYVCOVHJJ76LAJI7YFY.JPG)
盧啟賢行事低調，但與廖碧兒拍拖、明年結婚的傳聞偏偏甚囂塵上。他首度開腔回應傳聞，果斷表明大家「份屬好友」。
「完全唔知（明年結婚）新聞係點出嚟…我同Bernice（廖碧兒）識左好多年，做慈善識，大家又鐘意飲酒，she’s one of my best friends！就係咁樣，大家一齊傾計，enjoy 飲酒。」
盧啟賢輕鬆否認明年結婚傳聞，但當提及與前妻Emily離婚鬧上法庭的風波，他則不禁輕嘆，希望事件暫告一段落，目前將全副心機投放於與前妻所生的幼女身上。
盧啟賢多年前與前妻離婚，2013年事件鬧上法庭，Emily向其爭取女兒撫養權及贍養費，當時更有報道引述Emily指責其拒絕支付贍養費。
「我唔知點解前妻會講同事實差好遠嘅事…以我所知篇報導都刪除咗。」不過，他強調兩人出發點由此至終均以女兒為先，「毫無疑問我地兩個都係為個女，初頭分開可以做好啲…宜家大家各有生活，我都希望佢（前妻）好（I wish her well）」。
訪問期間，盧啟賢多次提及無論是富豪購買巨額人壽，抑或自己工作，最後都是為下一代著想。「大家咁辛苦做嘢都係為下一代，我每日都只係為個女，最擔心係（離婚）影響到佢。」環顧其辦公室，雖然不乏名畫，但不及眼前為女兒錶起的「紙巾畫」珍貴。
/cloudfront-ap-northeast-1.images.arcpublishing.com/appledaily/IKIKFT37O5DWPHGNCYOIIAE35I.JPG)
拆解3大銷售技巧
坊間有關保險銷售的技巧眾多，而高額保險有否不一樣？盧啟賢歸納其三大銷售之道，首要是做足功課及有自信（be knowledgeable and confident），要與時並進，熟悉各地稅率，「其實過億保額買嘅只係一張紙，而呢張紙喺你死後先有作用，你係睇唔到。你要人相信，就要做足功課，話俾人聽我有能力解決你嘅問題（knowledgeable enough to solve your problems）。」
第二是設身處地於為客戶思考（into his shoes），他分享一個親身到非洲向一名當地富豪解釋保單的經驗，「我本身唔會諗非洲客戶點解會對人身安全有咁大擔憂，但你飛到過去所有窗、所有車係防彈，隨時子彈橫飛，真係驚㗎，咁就明佢地真係需要。」
最後一點，亦是盧啟賢自小教導其10歲幼女，要做個「有能力的好人（be kind and useful），唔好喺度hea。」他相信自己本質如何，亦將吸引類近的社交圈子，「如果intention唔好，一心只求生意，人地係睇得出」。
