如題，唔知會唔會地球大爆炸？
我唔敢，之前入院小手術放低兩日，立即變身乞兒仔咁，真係著家居服出街都敢死 
未，到而家升咗中都未。
對方一定要信得過，同埋老公唔駛返工咩？
坦白講我唔敢…老公份人返工做野幾醒，但一返到屋企好似即刻變左弱智咁
9個讚
帶佢返學，之後放學接返
試過2次 獨自去偷歡同朋友去4日3夜快閃旅行
有姐姐幫手 2個小朋友
當年我陀住3號,老公試過一拖二帶當時三歲同四歲嘅仔去台灣,我冇詳細了解佢哋嗰幾日點過,總之冇穿冇爛返到嚟啦
8個讚
我覺得要喎，點解一定要個阿媽跟實湊？老公唔使幫手？
3個讚
睇吓老公駛唔駛返工先，佢返咗工咪又會變咗爺嫲照顧
試過去日本出差, 返黎見到一屋衫未洗, 加埋自己果堆, 洗咗成個星期。
我兩個仔女話食咗幾日打邊爐同飯盒, 食得飽冇病已經好好。
俾個機會佢地成長 
5個讚
仲要出門，勁wo
比埋老豆成長
1個讚
我試過有一年生日放低個女比老公, 自己一個去左台灣4日. 星期日有唔只一個朋友忍唔住send相比我睇, 原來老公帶住個女返教會, 遲左就唔駛講, 兩個人都好狼狽, 阿女無紮辮, 有朋友睇唔過睇幫阿女紮頭髮.
雖然個trip勁回味, 但我諗阿女長大之前我都唔會再放低佢兩個去玩. (但可以只帶阿女或只同老公去)
個個情況唔同，我嗰個朝六晚七，一個星期六日就得啫，一個星期就唔得啦，有多個工人喺屋企看就好啲，如果要爺嫲湊我就唔制。
阿女幾大？
會，我之前每年都會同朋友或娘家去一次旅行，比自己休息一下，因為我係ftm。 仔女bb時有工人幫手，老公就跟頭跟尾，大左就老公都攪得掂，無太大問題。
當時剛剛4歲
1個讚
我都試過、行開五日、老公晚晚同仔打邊爐、仲有公仔麵食、晚晚電視iPad 放題、兩個不知幾開心。
我有朋友有時要放低兩個小朋友出差（有工人姐姐）、佢話返到屋企兩個囡仲有心跳呼吸就收貨啦
3個讚
試過。
上年自己去大阪10幾日，我老公一個人湊個仔，佢湊得唔錯。
1個讚
難D，我老公連洗衣機都唔識用