生左小朋友 家庭有個煙剷長老 應該點同佢講要佢直接戒煙 唔係唔好抱我個仔
利申：一日起碼食兩包 唔係同住
咁都好啲，但日食2包真係好恐怖喎。
1個讚
我覺得又唔洗去到介煙
唔好咁為難長輩
叫佢出走廊食/落公園食或者抱bb之前洗手都夠啦
調返轉頭要你介一樣習慣你都好難啦
1個讚
同住都冇可能介煙啦
老公就話可能介到姐
長輩喎
2個讚
長輩好難， 仲比佢教訓一餐添
我叫我亞媽戒煙佢話寧願死左佢.
唔見咪得， 而家疫情嚴重唔出街， 屋企禁止家訪
1個讚
有三手煙
每日兩包？
應該不久已，我係你就對佢好啲，由得佢開開心心過埋呢幾年啦。
點叫都唔會有用，除非佢自己想戒
利申：食咗煙20年+ 有b後先戒到
1個讚
唔同住就算啦
一日兩包一定戒唔到
你仲要只係新抱
3個讚
疫情大條道理少見
揾個機會同佢地成家人講小朋友氣管敏感，一咳就成個月停唔到、醫生話身上的煙味都會誘發敏感。
當事人一日兩包、講真無可能介到。
唯為等當事人醒水、起碼見你地之前唔好食、換套衫都好
2個讚
係你老公父母 定你父母？
如果係自己父母 照直講
如果老公父母 叫老公講
岩岩先見到唔係同住 咁其實好難叫佢介又唔係成日見
只係抱b前都唔好食囉
成身臭煙味
1個讚
如果佢介到,你同佢係咪可以日日見？
咁不如由得佢,一切以阿仔健康為由行先,得閒先見!
唔好比佢抱咁多
唔係同住，隻眼開隻眼閉。
我唔戒意食煙既人，但我戒意啲人係我面前食煙。
由佢角度出發, 同佢傾, 食煙對佢身體唔好, 如果有咩事, 再見唔到個小朋友(即係話佢會死)
其實佢食左超過30年 係我男友老豆 因為疫情關係我地都冇結婚擺酒 之前我坐月 佢都冇黎睇過小朋友 因為面子問題 因為小朋友雖然係佢第一個孫 但因為我地未結婚 我男友阿媽有黎幫我坐月 但傾計傾到因為我地既問題令佢老豆係佢朋友面前冇面 我當時真係唔知可以講咩 佢阿媽係私底下同我講 但大家都一齊相處甘多年 無謂當時就反面
我阿爸都係食煙 最後都係因為我細個氣管敏感 成日睇醫生 佢係我8歲之前都戒左 就係因為甘 所以我討厭d 人食煙
依家講左 佢表面冇嬲 但私底下發晒脾氣
我冇所謂 佢做到咪有得見
唔同住、唔係自己父母，唔會出聲。
就算係自己父母，最多都係同佢地講唔好係小朋友面前食就算。
認真講呢d 長年食煙+食咁多，已經同煙共存亡、分唔開，願意為左小朋友而唔係佢面前食已經係俾左面子。
3個讚