開呢個主題想傾吓素食既野，你地咩決心下改變食素？
轉左後身體有乜反應？點樣去揀食物均衡營養？
3個讚
只係自己出街食時會食素，煮就一星期一餐。牛廿年冇食，唔食素日子都少肉多菜(我本身唔鍾意食嘢)
原因：唔想殺咁多生，唔想增加碳排放(農場好唔環保)。健康反而係其次，所以啲人話咩食素有啲合成物唔健康我都冇乜點理
身體：冇便秘問題，從來都冇
1個讚
無食牛身體都好左架，因為屠殺佢地時，佢地好驚有啲仲會喊，有種驚恐咁走，食佢地既肉會唔舒服，同埋戒牛，經過牛腩店會覺得好騷好難聞
3個讚
好多年前睇左食物定動物工廠之後，嚇到唔敢再食肉，之後嚴重偏食，差唔多只食白飯加汁，應該2年左右就濕疹大爆發。
之後都唔敢再食素，因為我知我係一定會偏食。
2個讚
其實食牛都幾殘忍
雞蛋是不是素呢?
Vegan 戒埋蛋
我自己覺得當中冇牽涉殺隻雞嘅過程，所以有食
但我知道有爭議
2個讚
若你食素, 一定要配搭得宜。
堅果, 豆類, 菇菌類, 菠菜, 山藥都好多營養。
3個讚
係呀我知的，但我就係唔想食，求其有嘢食飽就算。
唔係
不過以佛教角度睇
唔食天上飛，地上走，水入面游嘅生物
已經係為素食打開方便之門
因為蛋並唔係宰殺動物而得到嘅食物
而家買到嘅蛋係冇受過精，入面冇生命嘅
真係要戒清嘅，一切由動物而黎嘅營養價值
包括蛋、牛奶、芝士，全部都不是素食
如果係修佛食齋嘅人，更唔會食五葷，即蔥、蒜、韭菜之類
3個讚
介到奶蛋更好，而家慢慢少食蛋，但奶就難啲，努力中，量力而為
好多人都奶蛋素 
2個讚
睇完食物工場發覺奶蛋製作都好殘忍，本身對蛋敏感所以好少食
奶就唔飲開，但有時會食芝士類既野，都想循序漸進咁介埋。
自己煮就全素，無用五辛 
太偏食啦，食素都可以食得均衡又開心，唔同顏色既蔬菜水果，堅果，豆腐，豆類，五穀等等巳好夠營養
1個讚
我好少自己煮食，如果多啲素食餐廳就好了。
每區有幾間成日去就好了
我住果區無乜
有排係日日食譚仔素湯底米線
或者自己煮算
我都係，幾年前睇完雞同牛的恐怖片，真心食唔落
然後去左印度一個月，全素，
番來後繼續蛋奶素2-3個月，開始個人好虛同寒涼，腸胃同情緒都麻麻，之後食番少少豬肉
因為我本身gluten敏感唔食得面包，豆又消化不了，食素好難唔營養不良…
而家都係多肉少菜,初一十五蛋奶素不殺生
2個讚
我食左就黎兩個月素，都係好寒涼，直頭黎到血崩。
而家就焗紅棗桂圓棗蔘北芪補下，加埋浸腳同艾灸，睇下幫唔幫到🥲
咁你哋小朋友係咪都一齊食素呀？
用多啲薑會唔會有幫助？平時又飲下薑茶，睇下得唔得。
1個讚