53歲美魔女與仔仔合照似情侶多過母子
邊個話女人年紀大就日久失修㗎?有好多女士都保養得宜﹑身形纖瘦,年過50仍成個少女咁,因此產生咗「美魔女」呢個標籤。近日網上流傳一個53歲嘅印尼女人Puspa Dewi,婚後誕下兩子,仲已經升呢做嫲嫲,但佢好似青春不老咁,同個仔合照似情侶多過似母子,佢同個孫合照就俾人當咗個孫就係佢個仔,成個畫面毫無遺和感。
喺一家人嘅合照中,佢個樣睇落仲後生過新抱,真係睇到都戥新抱大壓力。呢位「美魔奶奶」表示佢嘅逆天凍齡秘訣就係經常鍛鍊及健康飲食,佢經常健身、跑步、跳舞,所以佢身形同皮膚緊緻度都同廿幾歲少女無咩分別,亦睇唔出歲月有喺佢身上留下痕跡。一班網民見到留言都話:「呢個阿姨真係好掂,我不想努力了!」 、「阿媽靚過2個新抱好多」及「過得開心先可以常青春」 。
Puspa Dewi