我隻貓貓之前有腎病，唔食野，換左腎糧，後來又唔肯食，帶左去睇醫生，醫生話每日要打皮下水，想問咁既情況貓貓會點？
同埋打皮下水開支大唔大？
我之前隻貓打佐半年之後畢佐業，果半年每日都要打50mL，一包1000ml既皮下水大約$50左右，啲針頭每次都要換，針頭就$2支左右，打皮下水最重要係feel到支針係入曬皮膚，打橫入針，打直好易拮到肉，唔一定打頸，只係頸容易啲抽起層皮，我果陣頸打唔到就會係頸附近近手臂打，打完佢隻手就會腫佐一舊係正常，等啲水慢慢比身體吸收就會消，皮下水有兩種方法打，一係就直接駁管接去包水到，然後掛高包水好似吊鹽水咁打，有啲人就會直接用大針筒抽要打既份量，呢個方法就會比較快，若果貓貓冇耐性就用呢個方法會比較好；若果第一次拮針唔成功佢就會起戒心好難再繼續，所以一抽起層皮摸到個凹位就要即刻放支針入去，試佐幾次都唔得就停一停過一陣先再打，如果唔係貓同你本人都唔開心又大壓力就唔好啦
加油，打針過程係幾痛苦，但為佐貓貓著想都係要做，打皮下水唔貴，最貴係食supplement同藥，食azodyl都成$600一樽
多謝你詳細既分享呀，感謝再感謝！
我貓貓都有打呀，打皮下水好有用㗎，可以改善佢生活質素，同減慢腎衰竭情況
除非你真係財政上好窄，否則唔算好貴。主要係包水同針嘅錢。水藥房買平啲，但要揾有信譽嘅，幾百蚊，有限錢。
唔使次次帶去診所打，你驚嘅話可以頭幾次去診所叫姑娘幫你，你喺旁邊學，學到自己有信心就返屋企自己打
你貓乖唔乖？係唔係好大反應嗰啲？有啲貓打水嗰陣乖到卜喺度唔郁
特別係冬天，好多貓奴會整暖包水，打入去冇咁凍，少少暖暖地貓好舒服㗎 ！但你要小心，千其唔可以過熱，外面摸到熱，d水就更加熱，整熟隻貓
貓豬藍藍慢性腎衰竭的生活札記
呢個FB群組要申請加入，內有好多資訊，group主同好多 group友都好有經驗
1個讚
該主題在最後一個回覆創建後30天后自動關閉。不再允許新的回覆。