可以搽啲咩幫幫手
好痕 ，又愈嚟愈紅
係咪無啦啦出現？
有冇食咗咩奇怪嘢？
就咁睇似風癩，係會好痕好痕，唔好r，會愈r愈多，愈r愈痕。
我以往係分散注意力，唔好吹風唔好刺激佢，過30mins就會散咗大部份。
如果頂唔順，可以輕力搽少少娥羅納英。
係無啦啦出現
我初時係冇r佢，但又少少捽佢止痕
點知愈捽愈勁 擴散同埋開始起一粒粒癩
兩隻手都係咁
要忍呀，唔好用熱水整佢!!要冷靜呀!!你愈緊張個人愈㷫就愈難散
因為唔知你有冇食咗/掂咗啲咩致敏源，如果好嚴重，甚至呼吸困難就一定要睇醫生呀
我自己就發親都係一陣就散嘅
似風癩
1個讚
風癩嚟，唔嚴重我會搽少少無比膏，嚴重直接食敏感藥，試過發到豬頭咁⋯
感謝大家 忍手唔攪佢 啲癩退左好多喇
雖然仲係好紅 但好咗好多
而家要帶住手套先
1個讚
大家記得，生到上頸要去急症室的。
4個讚
似係受壓性皮膚敏感urticaria
無好轉或擴散睇醫生開抗敏藥，唔使驚，搽藥膏未必得
洗手太多~ 皮膚無左油份~ 所以會咁~
1個讚
Oh 原來0甘嚴重!!
是蕁麻疹呢
唔好R 佢, 嚴重去睇醫生食藥, 好快好
1個讚
一發即刻飲大量水，可舒緩症狀
用冰凍住先，會冇咁痕
頂唔順食粒敏感藥好好多
睇醫生未呀
風癩正常雙手同時發出，表面睇正常都係風癩，但亦都可能俾虱叮到、或食物敏感反應 ! 搽藥膏暫時短時間止部份痕，建議立即睇醫生，服食抗組織胺 (抗敏感) 藥 ! 同埋要自己盡量回憶、之前觸摸過或服食過乜有可疑，如有懷疑下次唔好、再觸摸及服食 !
1個讚
風癩真係好難估個致敏源， 所以有時好難避
我同屋企人個個都唔同致敏源
塵／金屬／海鮮／貓狗口水
乜都有機會中， 所以你真係回想下你掂過啲乜
我通常掂到果個位先會出嘅
有時未必關致敏源事，我就拖足幾年都未斷尾變左慢性，變左慢性蕁麻疹，壓力大／天氣乾就更加痕，真心好煩
希望你揾到原因對證下藥
我係兩隻手同時起啊！！