內地最新真人騷節目《追光吧！哥哥》將於本月5日首播，節目邀請咗21位唔同年紀嘅男藝人參加，當中包括陳曉東、明道、陳志朋、胡夏及汪東城等等。佢哋將會通過訓練及比賽，之後由觀眾投票選出勝出者，並再組成男團。
現年45歲嘅香港唯一代表陳曉東，喺節目線上舉行發布會被主持人問會唔會喺呢個舞台有容貌焦慮？佢就話平時有做開保養，又話對自己有信心。但近年陳曉東多次惹上整容疑雲，今次被網民指佢個樣愈來愈「精緻」，雙眼皮明顯咗、笑起上嚟五官僵硬、講話時表情亦不太自如。另外，亦有網民話直情認佢唔出。
出道時，陳曉東憑青澀又靚仔嘅鄰家少男形象，成功吸引萬千少女。可惜近年外貌有好大變化，引起大家熱烈討論。
♂
