《香港愛情故事》海報
ViuTV大型選秀節目《全民造星III》話題十足，而同一時間無綫就派出《阿爺廚房》應戰，可惜喺網上討論度極低，感覺似於被打狀態。10點半時段一向都係播放綜藝節目，並計劃由以本地旅遊為題材嘅《港產旅行團》接《阿爺廚房》後喺12月7日開始播出，但無綫突然抽起節目，改播12集嘅劇集《香港愛情故事》兼延後晚間新聞嘅播出時間，由以往3線劇集變4線劇集。唔通無綫想搶返呢個時段嘅觀眾，所以先臨時變陣？
《香港愛情故事》係《2021無綫節目巡禮》劇集之一，呢套愛情小品劇由羅天宇、龔嘉欣、王敏奕、謝東閔、龔恩慈及白彪等人主演，而監製及編審都係用新人，無綫明顯想針對較年輕嘅目標觀眾。劇集除咗講述老中青三代人嘅愛情故事之外，仲會講香港情侶必須面對嘅問題，究竟佢哋要有樓先定結婚先。咁貼地嘅故事，相信會引起一班青年觀眾嘅共鳴。
《全民造星III》已經進入40強嘅白熱化階段，無綫咁遲先反擊，唔知有冇機會追返少少收視呢？
造星3可能等到10強先睇， cctvb好耐無睇囉
!所以轉咩陣式對戰都唔會睇CCTV
Cctvb，不了
大台啲劇套套有膠味，就算佢黃我都未必頂得順 
太耐無睇CCTVB 完全唔知做緊咩 亦無興趣睇
相反ViuTV之前有鄭中基 而家又有Stephy 況且花姐節目又真係幾好睇嘅 
無咩節目可以敵得過花姐
VIU同開電視好貼地，港台又文化文藝資訊多，仲有96台有啲幾好睇嘅外國劇
我又有HBO, Netflix
我點解要睇啲垃圾台？
開電視係咪有線？
應該仲係姊妹公司
應該係
咪玩啦。年輕的一代基本已經唔睇大台電視。
廣告商最敏感同誠實。
啤酒主要銷售群組是年輕人，而大台好似已經無晒啤酒廣告。
後生當然追 emily in paris啦 ！
仲睇咁out嘅有樓定結婚先？
無線，等做亞視啦！
有骨氣, 唔睇大台唔會死,死都唔睇
降魔的二我都忍到唔睇，呢部野引到我轉台至出奇。
呢幾年(甚至十年)無線好明顯咩節目都係向錢出發, sale屎主導, 嗰啲唱好終國, 綿綿純大陸廣告唔駛講,
咩節目都要同買廣告掛勾, 後生仔要soft sale, 廚房要賣廚房電器, 再唔係同港共拎香港人錢拍維穩節目.
今次話後生仔愛情劇, 但後生見其他朋友都睇viu自然過檔架啦, 到無乜收視無錢袋(預咗架啦), 又即刻縮返, 又去拍返上面啲垃圾同廢老喂喂喂.
恭喜無綫你成為亞視2.0呀.
其實睇tbb都係慣性
當你習慣唔睇tbb, 去睇其他劇
你會發現無損失
因為tbb而家製作其實真係麻麻地
就黎老野都唔睇你啦 仲諗住後生仔會睇
過曬氣啦，講左好多年，上車難都唔係近期嘅事
我入無線節目表睇，大部份都係講股票，
夜晚signal wong 嘅就係第2輯，另一個就第3輯。
有冇再悶d呀？
有新意又炒冷飯。
VIUTV都有唔好睇嘅節目，但人哋起碼肯嘗試囉。
不如講下用乜方法去呃公屋仲貼地，仲有共鳴！
