https://m.facebook.com/story.php?story_fbid=433577168026828&id=111822220202326
【 如果香港全民接種江蘇疫苗，你又接受到？ #請廣傳 】
講重點：
一）袁教授琴日記者會提及最快下個月起可以係香港人身上測試嘅「港大疫苗」，「研究負責（組長）單位」係 #江蘇省疾病預防控制中心，「試驗主辦單位」係 #北京萬泰生物醫藥，生產商係 #長春百克公司。即將用係香港人身上嘅「港大疫苗」，或者只係「江蘇疫苗」。
二）我相信亦希望，香港大學可以用最開誠佈公，最坦誠嘅態度，更加主動向普羅香港大眾交代，呢一隻疫苗嘅研發、製作過程，包括參與嘅團隊、廠商等資訊，令巿民接種疫苗時安心，做到真正Informed Consent。
—
港大琴日記者會，指武肺噴鼻式疫苗將最早於下個月係香港進行一百人嘅臨床測試，當中多次提及疫苗係「港大研發」，但並未提及有中国團隊進行研發或生產。
偏偏我仲記得九月時候，袁教授指港大正係與北京公司合作研發疫苗，又指疫苗將由長春公司生產。[1] 兩個半月後嘅今日，疫苗即將面世，即將打落香港人身體內，竟然反而避重就輕，唔再提及疫苗來源，企圖用「港大研發」四隻字輕輕帶過。
我相信香港人，對我地可能會萬人接種嘅疫苗，有重要嘅知情權。於是我再翻查關於中国呢隻疫苗嘅文件。
【 一 】中国臨床試驗中心文件 [2]
「研究負責（組長）單位」係江蘇省疾病預防控制中心，「試驗主辦單位」係北京萬泰生物醫藥
成份檔案，隻字見唔到提及香港大學嘅參與角色
第一期試驗地點，係江蘇台東巿
【 二 】北京萬泰 臨床試驗公告 [3]
再證實疫苗由北京萬泰、厦門大學、香港大學合作研發
呢隻噴鼻疫苗，係「中国五條技術路線」之一
【 三 】中国科技日報報導 [4]
研究經費來源：福建省經費600萬，國家應急項目400萬
見真身，有圖有真相，廈門大學提及，所謂嘅「港大疫苗」實物。
睇完以上種種，你仲係咪覺得呢隻疫苗嘅來源，可以簡單用「港大疫苗」四隻字輕輕帶過？
—
如果袁教授或者醫學專家們睇到呢到，可能已經想怪我陰謀論／政治掛師，先入為主去話中国研發嘅疫苗一定無效或者唔安全，但呢個並唔係我今日想提出嘅問題。
醫學上有冇效，唔係靠袁教授或者港大嘅名聲，亦唔到我隨口去妄斷，係要靠（可信嘅）科研實證。而相唔相信呢個疫苗，係每一個香港人自己嘅判斷。
但最大嘅問題係，港大團隊，如何去看待香港人嘅知情權。
就算中国生產同研發疫苗嘅水準、品質嘅管按真係如教授們相信一樣咁可靠嘅話，咁就更加唔應該畏首畏尾避談。愈係迴避疫苗真正背景，就愈自招嫌疑，令到香港人懷疑究竟點解唔想比我地知道疫苗嘅詳細資訊，只會令人更加難以相信呢批中国產品。
九月嘅時候，袁教授依然會直接主動開誠佈公提及疫苗由中国團隊研發，港大只係合作團隊之一，之後再勸大家相信中国製造嘅疫苗質素，相信香港政府嘅把關。但琴日嘅記者會中，竟然不提團隊真正嘅組成，單單以「港大研發」四隻字去包裝。「港大研發」或者唔係大話，但絕對係以偏概全、避重就輕，有誤導之嫌，無論係研發定生產，真相同單單「港大研發」四隻字都有唔少嘅差距。
呢隻疫苗下個月就打係一百個香港人實驗對象體內。可能係不久嘅將來，就會挾「港大疫苗」之名，比政府攞黎硬銷要香港人全民接種，以唔係用Pfizer或者AstraZeneca等國際大廠嘅疫苗。如果呢隻「北京／江蘇疫苗」有機會影響幾百萬香港人嘅健康，香港人係咪值得知多啲呢，先知打落去安唔安心，先可以諗清楚係咪要試打呢？偏偏「港大團隊」用左最差嘅方法，比兩個半月前更加倒退。關於中国廠商嘅參與，甚至係主導，唔提唔講，以為只要冇人質疑、過問，就可以側側膊，比中国疫苗用港大之名黎到香港人身中。
希望我尊敬嘅港大微生物學團隊盡應有之責，用更負責任嘅態度，更主動比香港人了解更多呢個疫苗嘅背景，以唔係再用避重就輕態度對香港巿民，咁先係我心目中一個負責任嘅學者、醫者。
—
疫情、社會氣氛之下，港大微生學系站在風眼之中，先後爆出多單新聞，又有指有高層打壓研究人員發表研究成果，又有多名教授、高層突然不知因何理由辭職甚至離港。係呢個風暴之中，更加希望袁教授等仍然身處此地嘅醫者，可以盡責地，令香港人安心。
一
