我老公性格好似有啲問題，成日覺得其他人都有問題，唔鍾意自己屋企人，亦唔鍾意我屋企人，成日好似自閉咁鍾意一家三口活動，但偏偏我係鍾意熱鬧，最愛自己屋企人，有時會為見屋企人同佢嘈交，但佢完全唔覺得自己有問題，永遠活响自己世界裡面，朋友間嘅近況唔會知，仲會記住人地好耐之前嘅近況以為人地一直係咁… 我對住佢我就黎癲，佢冇朋友我都唔理，但唔鍾意我屋企人我真係接受唔到…
明白你感受，咁佢會唔會間中或過時過節都陪你返去娘家先?
其他時間想返就自己返去唯有，費事求佢，一陣返到去黑面仲衰
我地同我媽咪住得好近，但有時媽咪上黎佢會唔多鍾意咁，同我屋企人一齊食飯成日想快啲走，間中星期六日我屋企人會想聚一聚，我地感情幾好，真係唔鍾意比我老公影响
明白. 我老公唔係唔鍾意我屋企人，但佢就覺得格格不入咁，好少同我返去，亦唔會想特別聚。但我有同佢講過咁係唔得，你扮野都要扮，但就間唔中或過時過節先會要佢出現，其他時間我自己返去算。我都為此唔開心架，因為我都會去佢男家聚會。。
咁其實你老公唔鍾意你屋企人乜野？星期六日上你度聚，叫老公出街囉如佢唔想join, 得唔得？
樓主我同你情況相反，我鍾意靜，老公鍾意熱鬧。一樣嘅係，因為同親戚見面都鬧過好多次交。
其實我真係唔係唔鍾意佢屋企，之不過我係鍾意靜。睇你形容，你先生似係真係唔鍾意社交，而唔係針對你屋企人呀… 就我而言，每次同佢親戚食完飯我都好攰，會發脾氣，因為真係好用精力。你叫一個鍾意熱鬧嘅人學習獨處係困難，而同理你要一個鍾意靜嘅人去聚會都唔容易呀…
我覺得呢啲都係迫唔嚟，同埋你越迫佢，佢只會越反感。
同埋作為一個鍾意靜嘅人，見到樓主你咁形容都幾傷心… 活喺自己世界入面，鍾意自己一個而唔覺得寂寞，其實冇問題呀… 而最重要嘅係，佢呢個咁private 嘅圈圈入面係有你… 作為一個內向者呢個真係愛嘅表現…
最後，就咁睇你老公唔係唔比你見屋企人呀，只係佢自己唔想見。所以如果樓主你想見嘅，就自己見先，比老公自己選擇見唔見，但一年某啲過時過節就同佢傾傾要一齊出席。
9個讚
啱呀，應酬真係好攰
1個讚
其實我屋企人唔係成日約，一個月都最多一至兩次，更加唔會次次都上黎，有時姪仔想見下我個女，我覺得自己得一粒女，我都想佢同其他屋企人多啲接觸，第二時都可以close d，我總有離開嘅一日，到時都多啲照應
你鍾意靜，咁你會唔會覺得全部人都唔順眼乞人憎而唔鍾意見？如果係，你就同我老公係同一類人… 唔好咁快對號入座呀
咁佢會唔會迫你去佢屋企聚會﹖如果佢要你返你都一定要佢返某個數量既聚會，其餘就唔使迫
咁佢都幾憤青喎
結婚前都係咁？
1個讚
有少少明，我同我屋企人平時都唔多說話，去到老公屋企成日好似愛回家咁阿爸阿媽咁叫來叫去，我同我老公講你地好似拍戲咁乜真係會咁多嘢講咩，佢又會覺得咁樣係好平常
我大伯一家同6299又係好似愛回家咁（不過主要係大嫂主導，大伯本身唔痴家叫做露面參與咁），我都覺得駛唔駛咁.
唔搞到我我就由得佢，但之前大嫂提議過不如租村屋一人一層大家一齊住！我內心就反一千個白眼
我明白你，咁你老公接唔接受到佢唔出席你地自己聚? 如果係咁就你自己聚，10次先叫佢1次，要佢比下面出席
千其唔好呀，我同老爺奶奶住得好近，開頭奶奶會求其講D理由就衝上來，後來係老公擋咗幾次奶奶可能發現我唔鐘意先冇再亂來，平時已經一星期返去食幾次飯…
你老公骨子裡唔鐘意見人，可能表現到出黎係其他人黑人憎咁囉
起碼佢結左婚以你地一家三口為先，只係原生家庭方面同你唔夾
真係迫唔黎，始終果啲係你屋企人你已經習慣左咁既生活咁多年，另一半其實冇義務愛屋及烏，有時距離會產生美感，夾唔到既地方咪各有各做，拜年紅白二事先見面囉
正如我有個朋友係好外向，好鐘意成日見朋友聚會，而家因為疫情冇得成日聚會仲要搞到有少少抑鬱。我作為比較鐘意靜既人係永遠理解唔到，唔會批評佢，只會覺得呢種生活好攰唔係我想要既 
我覺得結婚前要傾下呢啲實務安排、同埋大家原生家庭既野，起碼知道下大家點諗同底線，唔係真係好容易有爭拗
點解要迫佢一定要中意你屋企人?
又嚟性別對調, 大把人唔中意奶奶屋企人, 咁都係冇咩問題。
我成日覺得"自己屋企自己擋", 你可以自己帶小朋友番媽媽屋企, 老公得閒出席咪算。
2個讚