想睇下大家係點做呢個決定
好鐘意小朋友點解唔生？
矛盾題？
冇能力？
因為對香港教育無信心，而且應該唔會移民。
1個讚
有錢讀國際學校/私校應該問題不大
鄭伊健係咁呀. 佢好中意細路架.
佢成日接受訪問, 都係話, 你生佢出黎, 好得意, 好開心, 但係你唔知個小朋友開唔開心. (34分鐘開始)
https://www.youtube.com/watch?v=6COk0Kh3X6A&t=2000s
我自己覺得, 你中意小朋友jar ma, 但係小朋友會大ga wor, 小朋友可愛係只有十年, 之後青年中年老年, 你中唔中意先.
甚至我覺得, 正正係你愛個不存在的小朋友, 愛到怕佢出黎世上受苦. 受挫折, 面對生老病死. 保證唔到佢幸福快樂, 不如唔好生
而且如果純粹中意小朋友, 唔一定要自己生架, 可以做教師, 做補習, 做保母, 去孤兒院做義工, 玩親戚朋友的bb, 甚至做寄養家庭, 唔需要負父母親的重大責任, 亦都沒有制做一個"需要"出黎.
我仲可揀, 一直都對住某個年齡的小朋友. 例如你可能最中意3歲, 你就專做3歲小朋友的保母.
但係做媽咪, 個3歲一轉眼就過喇喎. 一轉眼就到青春期.
子華神都話啦, 為左下一代, 唔好有下一代
11個讚
我家姐就係勁鐘意小朋友，但身體太差決定唔生
所以成日吼住我個仔
負擔唔到呀
你小朋友有福氣呀
多個人錫佢
2個讚
咁我真係會唔生
以前會想生, 但上年之後就冇諗
我唔會移民，2月生，自己跟貼d教學
我buy你呢套
1個讚
我同我老公都好有小朋友緣份，親戚朋友d細路就算第一次見都好痴我地，成日都會話要同我地facetime，之前o係美國d小朋友會要黎我度playday之後又唔肯返屋企，但我地無小朋友，屋企更加無岩佢岩既野，又唔係住house。
但係我同我老公都認為唔生係最好，玩還玩，教育一個小朋友唔係咁簡單。
1個讚
雖然好多人話香港政治氣氛唔好，所以唔想生小朋友，但樓主，我覺得，如果你哋兩公婆想生，就生啦。
女性過咗35歲就比較難懷孕，呢個係biological clock，無得反抗, 到年紀大咗先後悔就遲。
世界上任何地方，任何時間，都有艱難嘅時候，我唔認為“政治因素”係一個影響生育嘅原因。我認為只有“遺傳病”係影響生育嘅原因。
3個讚
以前艱難都照生, 因為以前冇得揀呀. 以前冇得避孕, 又係男人話哂事要上床就上床, 咁有左唯有生出黎.
但係而家有得揀喎, 樓主又唔會移民. 咁到底佢應該養個仔變藍絲定黃絲.
養個仔做黃絲, 驚唔驚第時個仔怨父母, 你明知生我出黎又移唔到民, 連言論自由都冇, 做乜仲要生. 帶個套好難嗎
怕唔生後悔, 難道就唔怕生左後悔. 生左後悔冇得塞返入肚架. 仲害多個人.
即使政治環境冇問題, 人生存都仲要面對好多挑戰, 又要競爭又要面對生老病死. 如果冇信心冇能力俾到幸福俾小朋友, 只怕生佢出黎會內疚, 真係唔係想生就生咁簡單
另外, biological clock 呢家野, 要控制都係會控制到, 好似男人好想同一個女人做愛, 都唔可以用暴力強姦佢啦. 訴諸生理需要都唔係生仔的理由.
1個讚
係呀，我都係類似諗呢d 野
笑左
如果樓主本身係唔會站在小朋友立場諗, 一早就決定左生, 唔會上網問.
如果樓主係咁站在小朋友立場的話, 生左真係有機會覺得欠左個細路, 咁都冇乜好處.
可以參考下外國啲forum 呀.
https://www.reddit.com/r/childfree/
佢地成日話
I would rather regret not having children than regret having children.
regret having kid 係多一個人suffer.
而且如果真係後悔冇生, 都仲可以領養. 或者好似我樓上講, 做多啲同小朋友有關gei 事, 寄養, 孤兒院義工etc etc.
Childfree 個group d 人成日話, 除非你係100% 想生, 如果唔係就唔好生, 因為真係好大責任. 而且唔保證結果好, 要承受好多風險, 例如生出黎唔健康, ADHD, 自閉, 抑鬱, 濕疹, 呢啲都好common 又好困擾. 即使健康，都要出錢出力出時間. 唔知有冇回報. 唔知個仔聽唔聽話，讀唔讀到書，都唔旨意佢孝順喇
1個讚