有無覺得今波疫情大家已經有抗疫疲勞啦？
今日星期五（閒日）我見度度餐廳都好full下（唔係lunch/晚餐時間），條街都多人…
我唔會出去食，減少但都會買下外買。
覺得主要係大家習慣左，同埋隻菌應該弱左。只要唔係大年紀，注意出街後清潔戴口罩，唔好周圍同人打車輪同 share 伴侶，應該冇咁易有事
3個讚
我自己都覺…唔想留响屋企…
想搵藉口出街…
1個讚
係咪襯依家未係超級嚴重就出定去？
因為如果真係爆到200單一日，咁大家就真係會留家避疫
呢樣真…
依家呢個病毒
好似這麼遠、那麼近咁
成日好似殺到埋身，但身邊自己識嘅人，又無聽過話真係中咗
我主要關心後遺症，可惜到而家都冇一個正式的 official資料
我有識人上一波中左，隔離部門/小學同學，佢地唔洗食藥，話佢地後生，食藥會有後遺症，所以建議唔好食
吓
醫生竟然同病人講自然療法最好
咁要入院嗎？
我公司d歐洲人，全部都有親朋戚友中招。有個阿媽重死左
香港人太易習慣一件事
1個讚
好睇個人抵抗力
後生真係唔洗食藥
未有藥醫，只係食好勁既抗生素
1個讚
我記得好似係入隔離營，嗰期太多人中，冇位掛
都有d
同埋會覺得…叫雞叫鴨…養和…唔關我事
仲會睇返自己嗰區多唔多人中…少人中又會冇咁驚…
我朋友做retail
佢話商場無因為今波疫情而影響人流
不過就旺丁不旺財
1個讚
我哋已經抗疫左成年，政府源頭冇做好搞到有漏洞仲有班死藍屍跳完大媽舞又繼續跳老舞，可能過幾過完新年又唔知會跳咩舞又傳過！點解藍屍可以過返正常生活，我地唔可以？我哋做足清潔帶口罩洗手洗手洗手！
真係疲勞呀。而家成日去黃店堂食，仲帶埋小朋友。
仲想去行街，不過真係兩個星期先去一次。已經冇係屋企囤餸買凍肉，去街市都唔驚咁。
見到確診數升仲有心情食花生。我自己已經日日戴口罩又成日洗手沖涼，冇去staycation，冇去跳老舞都爆到咁，開始覺得自己做乜都唔關事咁。
2個讚
我屋企有初生，所以點厭倦都會堅持落去
由一月開始到而家，仍然冇出去餐廳食飯，最多只買外賣，亦冇同朋友除口罩gathering，冇staycation
屋企雪櫃長期有凍肉，仍然繼續訂，堅持唔去街市，工人姐姐都唔准去，有肉有菜簡簡單單就一餐
冇乜出去行過街，基本上所有野都係靠網購
每次用完手都會用酒精搓手液，返屋企會用酒精消毒哂所有出街物品
堅持左差唔多一年，認真唔想臨尾香
7個讚
有時真係明白點解美國當流感醫，已經成年，仲係沒完沒了，咁耐以黎，從未試過0本地超過28日，停工停課又試過，我無試過staycation 同去咩樂園，真係除左落街食飯，唔想再買咁多外送製造癈膠了。 我會堅持少社交，但真係要去到封城在家，我唔會啦。香港人適應力強，呢件事就睇出，開始習慣與病患共存
2個讚