冇屋企人幫手，冇請陪月冇工人
自己搞唔搞得掂?
我果時仲要成日去健康院、醫院，亦冇月子餐，最多買外賣。（15 年前）
另外，上年坐2 次小月，一樣自己搞掂
有人幫手就始終最好啦，因為起碼都要買啲新鮮食材、煲嘢補身嘅，依家有肺炎帶b買嘢食都唔方便
不過睇下你自己捱唔捱到，我自己就唔得啦
頂硬上冇話唔得嘅，聽講以前啲人生完第二日就耕田喎？係有冇咁嘅必要啫，我就唔會慳呢啲錢，同埋生小朋友一生人可能只得一兩次，點解要咁對自己呀
1個讚
上網訂定d 冰鮮肉類送去屋企，蔬菜果d 叫老公收工買，等佢放工返黎幫手煮幾餐簡單嘅雪係雪櫃、自己熱返黎食。
如果bb 唔難湊就用電子煲之類煲湯自己飲，一次煲兩三日、熱返黎飲。如果bb 難湊就食飽飯+湊b+爭取時間休息。
生完真係最緊要係食得飽+休息，身體先recover得快。食簡單d 清d 食物就okay，唔洗太花巧。
你老公會唔會幫手? 我第一胎係老公請大假+外賣坐月餐，勉強搞得掂。第二胎真係要搵人幫手，自己一打二搞唔掂。
老公可能幫一星期 男士產假
今日直播live
我而家第二胎自己坐緊月, 老公湊大仔, 買餸煮飯, 煲沖涼薑水, 我主打湊細仔 加洗衫收衫, 有時幫下洗碗, 好在今次全人奶埋身餵洗少好多野, 但半夜就堅係自己攬哂上身攪, 人手唔夠我生完頭一個星期已經同老公分頭行事, 自己帶細仔返醫院, 仲出埋街買野
但覺得同上胎辛苦情況唔同, 上次個陪月煮野難食, 又要不停食, 起身餵完奶又食5更飯之後又下餐奶, 我食完都無時間休息。。。 佢又成日同我老公講補奶粉啦，用奶咀啦，果時覺得佢真係好煩。。。 我乳線未通就谷我奶, 最尾我乳線炎。。。所以有陪月都未必幫到好多。。。
總之捱過頭幾個月就會無咁辛苦架啦！
4個讚
最好唔好啦。
如果後生，都可能捱得，但生完粗勞好傷身，長遠影響健康。
疫情關係，第三胎自己坐月，算有啲經驗，有嗌月子餐。其他嘢全部自己做，老公要返工，無請工人，自己湊3個 (最大嗰個3歲)，餵人奶，全部家務自己做，好忙好忙，但總算搞得掂
3個讚
好堅呀 
想問你地嗌邊間月子餐？評價如何？
訂月子餐，同埋請鐘點做家務，咁都會幫輕你好多