收件人名字被縮寫？例如Ho，縮寫為H，發現外國人寫名時好懶的，姓氏全寫，名就縮寫，完全唔知咁有機會會影響派件，咁樣做野法，就係擔心本passport收到時，內容打印係咪都係錯漏百出，大家收到本passport時要認真檢查
私隱呀
所以縮寫
OK,不過如果門市自取會中伏，因為對唔到名，送上門、智能櫃取就冇問題，最緊要內容準確
唔係喎
我DHL收件一直都係寫全名，不過我係網購
其實收件人個名係由寄件人寫，寄件人點寫，DHL就照打單
你份件係passport，會唔會係私隱問題所以收件人唔寫全名呢？
你日日都開post講DHL
係我有唔明，先開post問下，純粹了解下有冇人出現過類似情況，了解清楚等自己定d，因為冇乜經驗，以前未試過自己申請BNO，細個係父母幫我搞，加上睇大家分享，發現自己個case有問題，所以先了解一下個問題係咪屬正常現象，次次send email 去HMPO問野步驟比較麻煩，而且我英文聆聽比較弱，唔係咁方便打電話，所以先問大家先，再唔明先email過去，呢個就係俾大家分享資訊同意見交流同互助架嘛！
其實新聞有賣，有成幾十萬份申請
Dhl是用自己飛機運送的，咁大量既文件，肯定唔可以好似平時咁快處理好及派件
你唔需要日日咁擔心
護照及你申請果啲原版文件都是用個類似文件袋既嘢封好，未拆開時根本唔知入邊是裝左乜嘢
你再問DHL佢哋都答唔到你架
另外hmpo果度，唔使咁在意佢email俾你
政府分工好細，email呢啲唔會人手逐個send，用電腦一次過send，你打電話去問，人哋都只可以答你耐心等候
佢喺系統出得email，即係做緊，人哋好難就你單一case咁確切回答你
份件唔是有地址
係有地址，但係有d人唔知，係網上選擇係門市取，去到門市取時發現對唔到名，就要改派件方式另約時間，麻煩少少咁解，所以上門或智能櫃取穩陣d，唔洗對身份證
門市咪比佢抄低身份証，冇問題喎
之前有時喺Amazon訂嘢用DHL送，都無用全名去收件，但你要出示身份證明文件
而且DHL喺未派件前唔是可以上網設定送件事間既咩？
有d人係去到門市先知道對唔到名，我自己就係約上門送件，昨日收到電郵同tracking發現收件人個名被縮寫，開頭懷疑過會唔會passport內容都可能被縮寫，所以先了解清楚先，跟著打電話問DHL咨詢一下呢d情況普唔普遍，佢俾我既答覆係要睇下寄出個邊肯唔肯收同彩數（之前試過有case因為個關員懷疑收件人個名唔完整拒收，要求擲回頭再寄），同埋如果成功送到來香港，件係會照送，但係門市取就會對唔到，慶幸既係我份件今日成功來到香港，屋企夜晚有人，唯有等收件檢查一次所有野吧，睇下今日實際收乜，不過萬一發現有錯處就麻煩了，又要花時間同錢去處理，如果係以前係領事館負責就方便好多，即時有職員幫你處理
收左件先睇情況吧，唔好太擔心