有位媽媽，個小朋友得歲零，星期一至日嘅時間表已經排到滿晒。Eng playgroup, 普通話 playgroup, swimming class, Baby gym, etc.
另，學校生日會，媽媽平時唔比小朋友食糖，生日嘅小朋友派咗糖比同學仔，家長打電話去同老師投訴，話以後都唔可以比同學派糖。
2個讚
當然當然，可以唔同意，但絕不攻擊 (除非Nancy)
1個讚
媽媽屈蛇囉
又唔洗矯枉過正既，有時啲觀點爭拗起上黎梗會語氣重左，冇人身攻擊就OK啦，黃大哂咩
2個讚
我係容易拗就激動嘅人，不過我問心唔係有心攻擊，所以一冷靜落嚟就會反思
係而家先得，廿幾歲唔得，好似真人火水爐咁 
2個讚
好痴線，咁驚人地教壞小朋友，homeschool 丫笨
生得佢出黎呢個世界就要面對各種誘惑/挑戰，咩都投訴一餐太可怕
呢個唔知算唔算怪獸
識人、唔比小朋友去公園玩、話污糟。
試過成班一齊去日本book民宿、住咗兩日、同行另一家庭有小朋友有幾聲咳、、咁就自己一家另外book酒店、唔同我地住…
年頭疫症開始爆發、k3小朋友除左睇醫生完全冇出街、七月學都冇返。
到九月尾喺小一開學、都係返學先出街、唔會見朋友。
佢小朋友k2時、學校老師同佢講過、小朋友唔係好同人交流、提佢留意下…到現在一年級班主任、又同佢講話個小朋友好似社交有啲問題、好靜好定、冇乜同同學交流、佢同個老師講、係自己叫個仔唔好同人傾計同接觸、驚傳染…
1個讚
呢啲阿媽擺明靠害，人長大咗，識人好過識字，唔識交際死硬。
識人都係唔俾小朋友食糖, 佢話因為小朋友係adhd, 食左會好hyper, 不過為免解釋太多, 通常都會照樣接受糖但會收埋唔俾小朋友食
咁嘅做法先係正常，因為一般會教小朋友，其他人送食物比佢時，要攞比父母睇，父母睇過ok 先可以食。
3個讚
我識嗰位超級怪獸同你朋友差唔多，我覺得佢行徑仲誇張，睇番佢小朋友同實際小朋友應該要做到嘅嘢完全做唔到，2歲幾連行都未行得穩，害死佢。
想當年做大學
1）有個阿媽好擔心個仔（master 收咗佢）特登打嚟問大學有冇飯食，驚佢餓親。
2）某議員個老婆媽义咗我好耐，話個女未收到offer，大佬未出公開試成績點出offer 俾佢，議員直接打俾faculty sec, 要我出個conditional offer 俾佢。
3）開學後有位老母煩咗我兩日，話要個仔直接插year 2, 因為佢已經喺自己國家讀咗一年（佢哋4年制，當年香港大學仲係3年制），要由year 1 讀起浪費佢時間，但問題係我哋開咗學佢連application 都無，老母話俾多張椅佢坐之嘛，點會唔得？！
5個讚
我聽完我幾想叫佢
你扯吧啦
1個讚
呢個我非常之認同。
有時D祖父母仲怪獸過父母。因為太得閒，又要補償番當年因搵食而忽略子女成長嘅心態。
1個讚
見到好多幾歲小朋友仲坐住BB車出街
我初頭以為佢哋係身體有缺陷要坐"輪椅"
原來係父母貪方便
咁樣搞到小朋友訓練唔到肌肉
只會害咗佢哋
1個讚
有家長鼓勵小朋友功課做唔晒就算, 投訴太多功課直頭唔交
點解仲讀?其實唔岩應轉校啦。
我就係咁同佢講, 但又唔轉真係理解唔到…
我今日食晏同同事可以分享你哋啲見聞 