大家聽過啲咩怪獸家長'事蹟'?

搞笑又得,離譜嘅又得

我先:遊學團期間撞正小朋友生日,家長要求帶隊老師當日買大蛋糕抽時間同佢個細路喺外地開生日會,老師當然拒絕

個家長真心有病

6個讚

家長投訴功課唔夠多, 叫先生加多啲功課.

先生最後加咗,但係同其他家長講,可以唔做。

6個讚

呢個我覺得可以做到喎,就唔係淨係幫佢一個慶祝嘅,或者係搵一晚整個蛋糕幫响遊學團期間生日嘅小朋友一次過慶祝,咁樣幾開心由窩心:smiley:

呢個可能係小朋友成世人第一次冇屋企人同佢哋過嘅生日

2個讚

但係我覺得要麻煩到人做多一樣野已經唔係幾好,喺異地專登幫你買蛋糕,同埋生日又唔係必要慶祝,小朋友已經離開屋企人自己去遊學都夠難忘,家人就唔好仲要遙距幫佢制造美好回憶,就算自己一個過生日,都係一種回憶

9個讚

笑左

1個讚

有個勁怪獸家長,但我講佢嘅嘢=自爆,不過身邊識佢嘅人都O哂咀再反哂白眼,身為好朋友嘅勸又勸過,傾又傾過,佢都堅持自己一套,仲要鬧番我哋轉頭,依家個個都唔出聲變咗喺佢背後講是非。

孖B家長安排兩個小朋友考試輪流ABSENT從而獲取試題, 例如作文題目 (呢間學校補考不扣分不重新出題)

5個讚

呢個直頭品格出事 唔係怪獸咁簡單

2個讚

:scream:佢以後所讀學校都可以咁就係害死自己小朋友

1個讚

非常同意, 呢位家長為左成績係不擇手段 (好多事蹟!)
最後, 學校因為佢係改左政策, 補考會改題目

3個讚

有個Nancy舊朋友,本身佢個思想都好有問題,教小朋友更加係錯x晒

佢身為媽媽,自己食煙都唔係好事,仲要光明正大咁向對仔女面前食煙
佢話有一次教阿仔做功課教到好激氣,就同個仔講:「媽咪好勞氣,要去食枝煙先」之後阿仔有次做做下功課就同佢阿媽講:「我好攰呀,去食枝煙先」佢阿媽問佢:「你食過煙咩,做咩要去食枝煙」個仔就話:「媽咪你成日話食枝煙先,咁啲煙一定好好味,所以我都要食番枝先得」
講到呢度,個Nancy仲笑個仔話好得意,但係我哋在場成班朋友都dead air晒
我念在同佢幼稚園就認識,真心咁講咗啲說話,我話向小朋友面前咁講唔係好,第時佢偷偷地就會學食煙。點知Nancy話:「我唔反對佢食煙喎,食煙有咩問題呀,佢想食咪比佢食囉」
果一刻,我就知佢個腦壞得好厲害

13個讚

老師考試好心幫學生執跌左嘅筆,被家長投訴佢阻學生考試

2個讚

五六年級常識要考吸煙對健康嘅影響。。。

1個讚

個同學仔咪可以用第一人稱分析吸煙對健康嘅影響囉:persevere:

2個讚

識人仔女去咗外國讀書,家長日日Mon 住大學網站+Facebook。

1個讚

咁咪盞揾自己黎攪:sweat_smile:

一係留返响身邊人釘人,一係飛埋過去吖嘛

3個讚

全世界圍住佢小朋友轉

好似好多「無腦」父母都會覺得小朋友跟其他人講粗口好得意:expressionless:

3個讚

呢個我又覺得OK喎:joy:

係唔影響仔女嘅情況下自己超級緊張:joy:

反而要讚呢個媽咪,知道自己放唔低,但將影響減到最低:joy:

4個讚

可能驚仔女行差踏錯啩。

2個讚