佢fb話係做計劃懷孕調理，見佢又話暖宮又有做人工受孕轉介，但又無好detail咁講其實係做啲乜。
請問有姊妹有用過呢間嗎？
我做過佢地嘅暖宮
其實係按Pat pat，按腰，推精油,似通淋巴咁嘅
我老公有個朋友化學懷孕左
跟手去呢度做暖宮
好似幾個月後就自然再有左並生埋
我就2015宮外孕（冇做手術）2016化學懷孕
等天意到2018都未成功
咁有人介紹就去試下
我就冇咁好彩做完暖宮就自然懷孕
但係對m痛都幫助嘅
利申，我本身m黎主要腰痛，做左係冇咁痛嘅
咁做左應該大半年
我就去台灣做ivf
好彩一次成功
阿女已經快7個月大
我唔肯定暖宮係咪幫到我一次成功ivf
只係分享下經驗咋
去試做一次先囉
我做完第一次，應該本身塞得好嚴重
我好似俾佢地家暴打完一身咁架
好痛下架
原來如此！唔該曬你呀
咁我去問吓價先 
你第一次上去
佢應該先用部機幫你check指數
睇你內在有咩問題
跟手當然係咁sell你做最貴那個plan
第一次試做價咁一定最抵
所以我第一次試係佢地最貴那款
之後join都係中間價那個
但其實都唔平架
不過我忘記左幾多錢
中間不停會sell你補錢upgrade
如果你唔喜歡俾人係咁sell呢
就真係要考慮下
我比較堅定
一來個plan已經唔平
唔想再俾太多錢啫
之後我搵到屋企附近有間野都有按pat服務
去試左又可以咁
我住同做野都係北區嘅
咁一星期出1-2次旺角都幾山長水遠
所以之後就一星期一次出去
一次係屋企附近按下屁股
但我就飛去台灣做ivf之前
就做密少少嘅
1個讚
我都覺得旺角好遠！
都怕佢hard sell,再考慮吓先
我問左少少佢話
護理中心有電子檢測儀器會知道子宮 卵巢 經期等問題，建議你可先來檢測身體體質 及難懷孕原因, 才決定以上那一個護理。首次護理已包含檢測
主要難懷孕分成:
- 膠原不足, 不著床
- 經期不準, 排卵差
- 經血少, 血氣不足
- 經血多, 不能固定著床
- 多炎症 沒有排卵
- 荷爾蒙或內分泌失調問題
- 先生問題
等等, 我們會分辨是那個問題, 再建議適合的護理, 或者需否做到人工受孕/ 試管嬰兒. 因為就算直接做試管嬰兒, 卵子不足或質素不好, 子宮內難著床也未必能成功
你可以先來做難懷孕檢測
未知幾錢
其實我都喺醫院做曬檢查，但佢咁講搞到我又心大心細想試試 
仲有無其他人試過work呢？
我試過，比佢sell咗買Package，
中伏~
試做個日首先同我做檢查la (諗返起D根據都唔準) ,
入房換衫後第一時間同你個肚量溫度，
做完一輪按摩+熱敷，再同你個肚量溫度，
熱敷完溫度一定高ga ma 
又難book時間，每次同你按摩唔同人，
我已經買咗pkg做10次，次次一路做一路Sell你 Upgrade pkg…
反正，做完無改善~
自己做運動，浸腳，暖水袋敷肚已經好好~
我最後都係太懶無去到問,咁好似好流喎!!
會唔會都幫到血液循環呢
我自己覺得無咩用 
，同埋個plan都唔平，
如果有時間既，不如同老公去跑步，暖敷肚同浸腳~
我睇中/西醫，都話一定要做運動 ! 
1個讚
之前有做過暖宮 (唔係樓主問嗰間), 但做完其實冇咩特別感覺
醫生都係叫我多運動同早D瞓
其實無論中醫定西醫都係話做運動最有幫助
但人天性就係懶,我成日都唔想郁 
1個讚
做運動、暖宮最主要都係增加血液循環，我習慣左依嫁每日夜晚浸腳