如果拍拖都咁，我會選擇算數，拍拖都唔開心拍嚟做乜？
一定有更好嘅
我覺得係一直無咩溝通同埋交流所以出現咗問題
其實就算同佢一齊住 都要好似平時拍拖咁樣keep住甜蜜 如果唔係就好容易變淡
唔好有心結, 要攤出來講, 要溝通
如果對方係你攤出來傾的時候發癲 (有唔少男人會咁的), 99% 可以話呢個關係應該完結左佢好啲
每一段關係都會經歷問題, 有心去溝通就係解決的開始 (有睇造星3 的話, 就似係啲導師出來同大家一齊傾大家相處的問題, 然後大家都會喊果個場面)
唔好咁樣走落去, 結婚後你一定會後悔
唔想諗分手先個方法咪就係溝通，咪攤哂出嚟講覺得好淡邊度邊度出咗問題，一齊再改返好唔好？如果對方係say no，你就真係為自己諗下分唔分手。講sex，無，仲衰過搵sp。講拍拖甜蜜，無，咁點解要一齊。講好似家人咁關心，無，咁要佢嚟做咩。到你自己心理層面，連幫佢整頭髮都唔想，睇得出你勁唔滿意，一齊咗兩年都咁，你有信心過多一兩年唔會更差？無話邊個做得唔好，相處係相對，有時睇落好細嘅事互相積埋就會變成咁，唔解決溝通問題就講咩都假。咁樣只係習慣咗對方係身邊唔想提分手。
你男朋友幾歲？聼落似20幾唔太成熟
我唔敢話佢已經唔中意你，畢竟一段感情一定有高低起伏，經歷過先學懂如何同對方磨合溝通
我以前看過一本書，係講不同的人係點向對方表達愛。本書好似叫Five love languages 。表達方法有人用時間，覺得留在家中陪你就係（注：好多男人覺得留家打機係陪緊你），有些人表達方法是甜言蜜語，有些人係body touch。可能你男朋友用其他方法表達左你感覺不到，又或是佢懶於表達。無論點，既然你不想輕易放棄，不妨同佢傾。你自己都要反省自己在呢段關係可以點改進。同佢傾唔係話佢一個人錯，你都要承認自己一定有不足之處