話說我有個客早前因員工受傷要報工傷，員工判埋傷，跟住餐廳紅理收到勞工處電話，大致對話如下
勞：今日一定要交 form 2 先出到表格五
餐 : 咩係 form 2
勞 : 唔可以同你講， HR會知
餐：HR 係內地
勞：咁大鑊
對話之後點唔知
最終係早前索償表格（form 2)上，公司名同個公司印入面個名有出入，要更正， 只要改咗佢，吸印簽名，fax返去就可以，咁簡單，點解會攪到咁繁複
2個讚
諗起呢篇分享
https://m.facebook.com/story.php?story_fbid=10157579434589483&id=524234482
陪一位基層婆婆到法院。 她膝下無兒，丈夫早前因病突然去世，積蓄不多，都存在丈夫的戶口，婆婆拿著存摺，提不到錢，這天，就是來辦理遺產。
遺產承辦處在金鐘高等法院，遠離貧窮人的生活圈。婆婆說不用接她來，因她之前已去過兩趟，只是辦理不了，問她原因，她就是怎樣也說不清。
辦事處沒有正式詢問處，所有問題必先按分類按鍵「取飛」，由A至D，實在超出了婆婆的生活經驗。
取飛後，職員就叫婆婆的號碼，給她一大叠表格文件，吩咐要在面見主任前填妥。婆婆眼不好，識字不多，她望著我，彷彿告訴我識人好過識字的道理。 這些文件不是簡單填寫姓名與地址的表格，一式多份，單是填報資產部份就有五頁，還要所有戶口資料，我也花了半小時才勉強填好。 在等候的過程，也幫了旁邊幾位在填表的長者。
大家在安靜地等候，擴音器打破沉默，叫著「B065」，沒想到三個人同時走去同一個窗口，原來，其餘兩位分別拿著的是「D065」 和「0065」的飛，對老人家而言，這種序號的編排是混亂的。
好不容易等到見主任，大概是核對文件和資料，我就在房門外等。未幾，婆婆請我也一同入去，原來手續才剛開始，主任給婆婆一連串的指示步驟，明顯婆婆跟不上：「現在要先到XX樓層排隊作宣誓，之後，要自行把宣誓後的文件影印，然後，到XX樓層的會計部排隊交費，最後，把所有文件、收據帶回來這裡交給我。」
婆婆實在沒有聽得進任何指示，即使已經很留心，可以想像得到，假如她獨自來處理，會是多麼的徬徨與沮喪。這一刻，明白她為何之前辦不到。拿著文件，帶她往宣誓處。
在離開大堂時，聽到：「這裡沒有誓願紙! 沒有! 你去律師樓問清楚再來啦！」職員在玻璃窗後，向著兩位老人喊著說。老人家一句：又唔得？ 職員沒有回答，繼續按下一個號碼。老人沮喪之外，面上還有難堪。
跟別的部門不同，進來遺產承辦處的，都是喪親喪偶的人，這天所見，老年人更是大多數。 然而，這裡對哀傷的人沒有慰問、對無助的人也沒有支援。程序上、情感上，都是冰冷的。 明白制度的冰冷，但人，又何以活得如制度般冰冷？
#愛鄰如己
#冰冷的制度
#你也會老的
7個讚
睇到我眼濕濕 
公司隔離係某政府部門 成日係廁所會撞到
但係個感覺都幾差 例如廁所有三格洗手盆 得最左格有紙巾而佢地就好鍾意企係最左果格洗野 你次次洗完手就要側身伸隻手去拎紙巾
又例如有次用緊鎖匙開門 佢地有人係入面好大力開門 搞到我成個被佢扯左入面企唔穩撞落度門度
佢淨係望我一眼就走左去
好難過
可唔可以Cut佢線？
1個讚
太過官僚化，唔係人性化，好似我答咗你，你唔識你嘅事，早前係九龍灣黨鐵站等收claim form，有個婆婆問我點去大業街，話D人教佢咩上德福行去，我同佢講行落官塘道直行，第一個街口轉右就到，跟住好快我就收咗form走人，都係行官塘道走，落咗天橋，見到個婆婆仍然問緊人，聽到佢又係教婆婆上德福過去，我即時走去同婆婆講我帶佢去。
一路行一路傾，原來幫個仔去換嘢，阿仔網上買嘢送錯，要換，佢由沙田出嚟。
其實D人教路時，有無考慮過婆婆理解能力？唔係答咗等於幫到佢
2個讚
唔得，因為攪唔掂，出唔到表格五，保險公司出唔到票
呢D只係冰山一角，好多公司都係咁，之前打去HSBC同客問MPF資料，一樣問埋D客人根本唔識嘅問題，答唔到就唔俾資料
官僚，死板！
但到底係人既問題定政策問題？
例如上面咁，係張form寫錯，但佢的確唔可以幫你改，但當冇事，佢又會唔會「拿屎上身」？真係唔知！
我都試過啲官僚野，好彩仲後生，知道佢呢啲答左等於冇答，我會問到有我想要既答案為止！
可惜老人家有時轉得慢，唔明就唔明！
唔係要佢改，只係話俾個經理知點改
大業街又真係有d冷門
我幫過一位婆婆搞遺產𠄘辦，我一個後生去都要用紙筆寫定個次序，打醒十二分精神留意叫號，更何況一位婆婆。
最最最好笑係要即場影印，明明佢哋可以scan，都要人影印咁白痴。
政府野係好死板
呢樣佢地好公平，每個部門都係咁。你少一樣就叫你出返去影印完再返來。
反而，中旅社會幫你scan… 
仲好冷酷無情。
當日有對老年父母，因為個女走咗搞遺產承辦，上上落落幾次都出錯，
職員超冇禮貌，我又係睇唔過眼出聲話返個職員，之後先肯逐步教佢哋。
1個讚
政府好多人都係咁。
特別係做咗一段日子果啲，日日返工等收工，做嘢冇哂熱誠果啲。最大問題係佢地口講服務市民，同埋係市民出糧俾佢哋…佢哋做私人公司反而冇咩所謂。
不過上樑不正下樑歪，啲膠層做到pat屎咁，佢地做咁好做咩
1個讚
嗰下真係好忟， 明明係當事人， 想問下資料都問唔到
做得好
某啲政府職員真係好衰格，十足更年期千年老妖婆咁衰。
以前唔明點解會有人咁衰，以家知呢個世界真係好多仆街。
佢地退咗休之後都係咁, 去到邊叫人做野都好似老馮咁
1個讚