未同老公結婚之前，已經知道佢個行好忙
結左婚有左bb之後開始擔心bb出世
佢仲係晚晚咁ot會得自己湊好辛苦
依家佢平均成10點幾11點先番
個行太多野做再加上住得遠（車程要above 1 hr)
再加上屋企人時不時就係到講 話佢依行係味咁架
第時湊b都5知點算，又話咁夜番個b味比你地搞到夜訓埋
搞到我聽到好大壓力同擔心，但佢短期內都應該唔會轉工。有無媽媽有類似情況可以分享下
如果純粹想同BB有互動，返工日子改做返工前朝早得唔得？好過半夜抄醒BB？
初生bb要睡18小時或以上，自己訂一個時間表，每日安排好要做嘅野，其實唔難。
困難是，因為凡人慣性有時會hea、有時上網，變相冇時間做要做嘅野。
經濟充裕的，可請陪月幫手，讓自己多點休息及進補。
想節省一點，可請鐘點或購月子餐或網購食物，減少自己外出。
丈夫工作性質而好夜收工，佢都唔想，呢個時勢有工作已經好好了，佢冇野撈，你們更傍惶。
親子互動時間就以bb醒時，爸爸在家才互動吧！
在這困難的時勢，一家人互相支持好重要。
會請陪月，同埋工人姐姐
但重點係屋企人覺得佢成日收咁夜係freeride湊bb
話就算有工人又點
Suppose夜晚餵奶換片都係我地2公婆搞店
但覺得如果出左世佢都仲係咁夜，
咁番到黎都無咩精力湊啦
味又係辛苦我
（我5係打算做ftm,生完放完產假都係會去番工）
屋企人是指長輩嗎？
最重要是你怎麼想？
及丈夫工時長夜返家，唔代表他不會在夜晚餵奶換片上幫手。
工人亦可以安排她早點休息，問她可唔可以有時起床幫手睇B。
當年，我仔逄凌晨二、三點必醒，依娃鬼叫要睇兒歌，我、C6、工人輪流陪睇電視。
BB好快介夜奶，到時你們會舒服好多。
2個讚
我識人做果行又係好忙
Peak season 可以忙到3日返唔到屋企
聽過朋友個同事喺老婆生果時都冇去陪產
我覺得你要諗嘅係你自己點睇 你想支持老公揾錢追求事業 定想佢陪你多啲 你自己頂唔頂得順
然後要同老公攤出嚟傾，要明確話佢知佢你想佢陪，同埋到時有咩想佢幫手。佢到時請假又好，delegate啲嘢俾人做然係自己wfh都好，要佢試下安排。如果唔得嘅，又唔會轉工嘅，就唯有你改變心態。有冇啲咩令你好appreciate 佢？當初係咩令你知道佢忙，未必有時間湊，都決定生bb?自己咬緊牙關會唔會捱得到？
Bb係意外黎所以先結婚
拍拖時覺得佢忙無咩所謂
但結左婚就好驚佢會因為工作忙而freeride湊bb
同埋我地依家係娘家住
所以屋企人會成日問，嘩乜咁夜收工
我地出年會搬出去
但層樓係我屋企人幫我出首期的
其實，你娘家人愛錫你才會說你C6 freeride，假設你住男家度，分分鐘99會話我以前冇人幫，都係一個湊幾個喇，呢d說話仲激心。
我知佢地關心我先會咁
咁但係個份係我老公份工
我可以點
又改變唔到
我老公只係普通打工仔一名
但我屋企人係做生意，好自由5點收工
所以佢地唔明出面打工係咪真係要o到咁夜
佢地既關心其實係比緊壓力我
因為現狀暫時都唔會變
但我foresee到如果大部分時間得我都會頂唔順
（就算有其他人幫手都會心理唔平衡）
會忍唔住責怪老公
我反而唔覺得咩都要兩公婆一齊做先叫公平
我而家湊緊初生，有工人姐姐幫手，老公返工好忙，我特登free佢出黎，叫佢唔好做咁多，間唔中陪bb玩就得
全日都係我同姐姐一腳踢，夜晚我守埋，自己一個換片沖奶餵奶掃風氹訓教，陪住bb成晚，朝早姐姐接手，我補眠
我又覺得冇問題，老公返工咁忙，唔通仲想做死佢咩，我仲要同佢過埋下半生架
2個讚
咁聽你地男女家境同地位好似有啲失衡
可能你屋企人做生意有錢、首期佢地出、而家又住娘家，自然會覺得你老公好似冇出錢又冇出力咁（唔好介意我咁講）
所以佢地唔係真心care你老公夜返呢個位
老公唔OT既話都朝9晚6無佢幫手，唔明點解差4個鐘自己湊就係辛苦?
其實10-11點先返到屋企唔叫做『好夜』，飲食業，服務業，酒店業果D唔通唔洗生咩
你屋企人點諗唔係重點喎，你點諗先係重點喎。
仲有，佢地除左提出所謂既問題之後有無提供解決辦法? 會唔會話幫下你手?
如果仲同咁既娘家住梗係頂唔順啦。
老實講，我覺得樓主既屋企人好過份，明顯地睇唔起你同你老公，講埋d廢話又唔係幫手，
點解老公夜晚就會整到個b夜訓既呢? 佢返屋企會大鑼大鼓既咩?一定會嘈到bb既咩? 根本就無理據。就算一家三口一間房，老公返到黎著少少燈bb都唔會影響到bb，拎完衫咪去浴室沖涼囉，轉個頭就訓著啦，第二朝仲要早起身返工呀。
我都覺得順粹想奚落樓主老公
同意
你講晒我想講嘅嘢
我而家住緊層樓都係父母送，但都唔會咁踩我老公囉！同樣地，奶奶話我既話，我老公一定出面撐我撐到底
婚姻係兩個人關係最重要，四大長老由得佢地講下就算
1個讚
覺得樓主老公好慘，咁樣比外家睇唔起，仲預先將問題歸咎喺佢身上
我都係住娘家，老公on shift有時返overnight有時夜晚12點先返，阿b仲有一個月就出世，第一胎，冇工人，冇長老幫
但我從來冇擔心過得自己湊會辛苦，好老實開頭湊newborn一定預咗冇覺好瞓㗎啦
佢冇十幾星期產假我有，所以我哋都傾好咗呢段時間主要我湊b, 佢返來時有咩要做就幫手，洗衫呀執屋呀都會係佢收工返來做
你會唔會餵人奶？如果埋身餵的話，基本上個b會完全attach to你，你老公最多喺旁邊幫頭幫尾咁
1個讚
其實邊個想夜收工！相信你老公都唔想！
我又覺得冇咁大件事姐！
Bb有自己時間表，同你老公既時間表冇乜關係。佢放工返黎，啊b訓左仲好！
二人世界一下，關心下做到咁夜既老公！
放假時咪比佢哋多啲相處下！
如果你係為自己家庭着想，就請你家人唔好係老公面前講說話「乜你咁夜啊」個啲！
Anyway遲早搬出去就唔洗聽呢啲說話！
你自己想像下，你被迫ot，返到黎仲比人冷言冷語、唔支持，好難受，好委屈！
3個讚
老公要好夜先返到屋企相信冇人想, 包括佢自己。
都明白你會擔心一個人湊初生B又冇經驗會係擔心同不安, 可以考慮請個工人或陪月幫輕下你。
同埋盡快搬出去住, 住係娘家成日父母比說話自己聽係好難受, 比我會直接叫佢地唔好再講呢D…香港地就係咁, 大把家庭係咁, 要搵錢冇計, 就算真係搞夜左BB都冇辦法, 唔係得你一家係咁…直接叫父母唔明白打工難處就講少兩句, 家庭和諧有愛對BB仲好, 叫佢地唔好再講咁多冇幫助但只會傷感情既野~~
2個讚
我屋企人無係我老公面前講
但會係我面前講
所以其實係我幫佢擋晒
但講真佢地時不時係依方面比意見
令到我都對黎緊湊b既畫面好負面
男女家境係距離遠
老爺其實有request過搬去佢個到住
佢以為我地一直會住娘家
但其實男家個邊唔知道我屋企人幫我置左業
輪環境其實長遠佢個邊到住唔長
因為無獨立房比bb
我呀哥幫緊我屋企人做生意
我呀嫂無做野
我呀哥可以早放工照顧家庭
可能我屋企人見到咁 覺得反差好大
覺得男方都有責住湊bb
男方係絕對有責任湊BB, 但…你而家BB都未出世, 點解咁快斷言你老公不會幫忙?? 或者佢星期六日, 放假時, 會好落力呢?? 先唔好比未發生既野, 就自己assume先。
另, 就算父母只係同我自己講, 我都唔想聽, 夾係中間好難做。如果父母係咁唔識做, 咁多意見, 都係快D搬出去為上策。