當遊客不存在，大阪竟然出現新景點？原來位於大阪JR站附近一條行人天橋旁邊，某日突然出現一棵「雜草」，仔細一睇竟然係一棵野生白蘿蔔！
事件被放上網後，好多人都前往影相留念，一時間成為最新景點，仲被網民稱為「頑強蘿蔔」（根性大根），蘿蔔由水泥地中生長，有近4cm高，而頂部綠葉盛放，令人誤以為係雜草，更有人笑指可以拎去整「關東煮」。但好景不常，有一日蘿蔔突然消失無蹤，被換上一棵來自廣島縣嘅大蔥，而再隔多一日，連大蔥亦消失不見，地上被填平。網民都大感不滿，認為兇手太無情，甚至話要搵出兇手。其實類似事情於2005年兵庫縣都有一棵蘿蔔無故生長於瀝青行人路中間，及後同樣被人折斷呢。
頂部嘅葉盛放，令人誤以為係雜草。 （圖：網上圖片）
