我直接問過呢個問題，長輩話「我覺得香港好好，點解我要走，係d人出嚟搞事 blablabla⋯ 」
佢地都係咁講，仲話香港係最安全，最好。
要走都係後生走，移民哂就最好。
廢老就係目光短淺，自私L
口腔期嘅人好難講得明，keep 住佢地口腔期算
到時邊個比佢 $2 搭車
真係有試過。不過對呢D有腦藍絲唔work，對無腦6299就work
的確試過，有收儉，但佢地完全唔明我點解嬲，只是改到表層。我老公仲要好不滿我反台
我係whatsapp爆左佢3次左右，但佢完全get唔到，誤會我係唔好意思之類。因為越講越激氣，我後耐block左佢私人。
然後係家人谷度再爆佢，俾老公話我太過份。
最後我找阿爸做中間人同佢講。
想阿仔唔見我，係因為佢太黐身，好擔心佢將來唔識獨立生活。佢能夠離開我獨立生活係我人生最大願望，以後見唔到都無所謂了。
I know that feeling…
我諗已經比你行前左，過左你個階段，依家已經對佢地言行無左感覺。點解會對佢地咁激動係因為佢地係最親嘅人，我地會對佢地有感情有想法，當佢地表現出超出我地忍受到嘅一面我地自然會倍感激動和失望。如果係街邊d阿伯阿嬸同事朋友，其實佢地講咩就算講到幾無品幾冷血都唔會點影響到我，因為個d係我眼中唔係重要嘅人 。但當個個係自己阿爸阿媽，就會好驚愕點解養大我，生活左咁多年嘅人，係呢方面原來係一個咁樣令我憤怒恐怖不解失望嘅人
我知佢地仲係好愛我嘅父母，所以先更要保持距離。唔抱希望就唔會失望，唔再投放感情，就唔會令大家感情崩壞落去。依家保持距離freeze左佢，可能假以時日呢個階段過左去，大家仲可以有方法相處下
係我眼中其實呢個係我愛佢地方式，我都喊左好多次先搵到呢個模式俾自己保持理性唔好再為佢地激動崩潰甚至出現偏激過火的諗法。傷害我自己佢地都係會受到傷害。不過佢地唔會明，只會覺得係我工作壓力大食飯唔出聲飯完就返入房。由得佢地誤會吧，反正佢地知道背後原因都唔會令件事更好。
4個讚
嘩！你講中曬
多謝你分享，我都係打算行保持距離路線，我話咁樣係為佢地好，佢地唔明… 6299再藍我反而無野。
見條路你行過，我放心好多。多謝你。
2個讚
呢條路啱唔啱我都唔知。以孝順黎講呢種冷淡就應該唔多孝，如果第二日我無左一個親人我好可能都會好後悔呢刻點解要咁樣對佢地。但你要我呢刻用返2019年之前個種模式同佢地相處我真係未做到，未放得低。人就係咁矛盾，日子過得一日係一日反正我未諗到其他方法but life must go on
如果得唔到身邊人理解係難行d，有時甚至覺得自己對身邊嘅野都開始慢慢麻目心如鐵石，記得要keep住搵返d挑動自己情緒嘅野喊又好笑又好睇書又好睇戲又好。提醒自己同屋企人疏離只係個暫時性保護雙方的措施，我唔係要成為一個冷血無情嘅人，唔係要成為我自己睇唔起，見住人地痛苦難過都可以無動於衷更甚可以風涼揶揄人地嘅個類人
如果你先生同你立場相近d只係處事方式唔一樣，試下整理自己思緒解釋俾佢聽。其實唔係想話對方做d咩只係如果身邊有個你覺得可以講俾佢聽嘅人，講出黎應該會舒服d。有時我都會諗應該點樣將自己呢種諗法有效表達出黎，可惜身邊真係一個適合我講俾佢聽嘅人都無，依家咁樣打出黎都幾好（所以你見我打到咁長）。都多謝樓主呢個post俾我整理到自己嘅思緒。
大家共勉之。
3個讚
非常同意呢位jm講
樓主試諗下他日如果同媽媽分開，會唔會後侮因為政見而令關係破裂。
其實最好佢一講就stop佢，如果佢要講，唔該搵返nancy朋友，去到而家大家唔會convince到對方，大家思想已經唔同，平時接收唔同野，講黎做乜。
絕對同意，政見唔同就盡量唔講，為政見影響同媽媽關係好唔值得，大家可以接受唔同意見嗎？無謂太激進
我都好明白樓主呢種藍家黃子感受, 特別係做咗人爸媽, 為咗仔女為家變遠走他鄉, 偏偏自己爸媽就幫手推動呢個家變.
的確係冷淡咗, 就算唔係特登都係冷淡咗, 始終已經唔係政見, 而係良知, 諗起人哋咁多仔女俾黑權捉嘅捉, 死嘅死, 實在唔知仲點面對啲仲鬧班後生係搞事嘅人, 即使係老豆老母… 嚴重嘅時候, 甚至有種唔想俾孫佢抱嗰種衝動, 覺得佢無資格. 所以有時覺得移民呢一點, 或者都係對大家應得嘅結局.
心理上, 諗咗好耐都無辦法解決到, 甚至有諗過, 唔通到佢哋唔喺度嗰日都要因為呢啲事破壞關係, 呢點真係仲未諗得通.
1個讚
哎。咁佢完全收唔到。睇你想向邊個方向了。
我發覺唔應呢啲人係最好既回應方法。佢講講下就會自然收聲。因為我好明顯一講呢啲話題就完全唔回應.不過我其實都冇經歷呢個政治不同。不過我意思係。如果一個好鐘意講野既人。你係表現完全唔應.係哼都唔應。咁佢地自然就會feel到而收聲。或者你再有動力搵返佢時試下呢個方法吧.
哈。你仔好細?如果好細就畀你痴下啦。佢越有安全感就會越敢出去獨立闖!我一諗起佢青春期就會唔show我時.我就決心都係抱下錫下佢多啲。
咁佢會唔會好傷心
難道12港人啲父母就唔傷心？
周梓樂既爺爺父母就唔傷心？
兩母女最親，叫老公唔好出聲。
就算調轉，你媽都唔會想聽到個女婿話自己個女。
1個讚
其實講真, 立場不一等於溝通唔到 
諗下都知佢會。不過婉轉講過唔明，唯有再講明D，不然傷害更大
我對阿媽感性上已經無曬感情啦，不過在道義、責任、社會壓力、家庭壓力上，我都要求自己繼續照顧佢咁解。
我放棄左同老公講，之前講過搞到好大件事，佢好擔心我都會對99差（實際上99不是血親，又點會，但佢唔明）。結果影響埋婚姻關係，令件事更複雜。不過我找到表姊妹講，佢都黃，又好認識我媽，所以好理解。
呢種「保持距離保關係」既方法，我好耐以前對好朋友用過，用上一年時間就有效。不過用係阿媽身上就唔知啦… 不過暫時都無其他方法了。我而家同阿媽講既理由係「我有創傷後遺症，見佢會病發」，心理輔導員都讚成這做法。