我媽淺藍,隨著中共壓迫日重,我越來越不想和她見面,心理壓力越來越大。
之前試過幾次因為政見和佢嘈後,佢其實都唔再講。但平日閒話家常,講到大陸呀,美國呀,大家睇法都好唔同,我聽到都會好嬲,成晚瞓唔著。
於是我儘量唔同佢傾計,只講最基本的事務交流,例如整下電話,講下次幾時食飯就算。但阿媽get唔到,想返去之前既關係,會過黎同我傾心事。我日日諗著受苦既年輕人含淚渡日,但佢當無事發生過笑笑口咁想同我談笑風生,我真係好嬲。我不停拒絕佢,之後我直頭避見佢。
就算唔見佢,我一見到中共新聞,就腦海都會立即load返阿媽既政治言論「係班人唔袋著個普選先啦」「美國又想害中國」,然後憤怒就源源不絕湧上心頭。結果白髮狂長,半夜清晨都思前想後,整個人好辛苦。
淺黃老公怪我唔孝順,間中俾壓力要我見阿媽,我自己亦有壓力俾自己,成日問自己幾時再見好。我亦要繼續帶小朋友見佢,不時都要面對這問題。
幸好有表姊妹身同感受,幫我梳理分析事件。「99係外人易避D,阿媽係家人好難避,係辛苦D,仲有小朋友係度添」「我無你咁黃,諗下你媽會講咩都覺得辛苦,何況你直接面對」
為左解決問題,我找中間人和阿媽講清楚,我可能有創傷後遺症,會避見佢一排,叫佢唔好和我太close。我亦把自己的時間表排滿,讓自己唔好諗起阿媽。
希望移左民,我就會好返啦。
12個讚
我阿媽都係咁,你唔講佢偏要自己講
其實真係避開下會好啲
佢係咪諗住你就嚟移民所以趁依家多啲同你傾偈?
好似好衰咁,但可以借口疫情縮短啲見面時間?
謝謝你。佢講完後,仲會話「呢D邊算政治」。對佢黎講可能唔係啦。
本來因為政見和疫情見少左,關係差左,佢想修補返,所以未話移民,佢都想同我傾架啦。
我之前用左疫情同好多其他藉口,但副作用係佢真係信個藉口,然後會諗其他方法繼續同我傾。所以我最後直接講清楚,我要和她保持距離。
我亞爸亞媽都藍架,但我唔會唔理佢,因為唔會比政治影響家人。大家相處幾拾年,你覺得佢唔愛你咩?父母咁多年養育之恩,我深知佢愛我,呢點係不會變。
7個讚
我知佢地愛我。佢地就係太愛我,佢地想同我close,我覺得辛苦。如果佢地疏離D就會好D。
話唔理政治,其實我已經唔用「政治」呢個term,我用「良知」,係我生活必須品。我每日一起身,就係諗起中共點害班年青人,我每花一分錢,就係諗D錢會否去左中共袋,我做運動/睇劇/教仔,都係先諗呢件事點樣幫到年青人。
6個讚
其實我覺得人地有好多嘢可以傾嘅,無謂loop響政治
親戚嘅父母都係咁樣,冇傷大家感情,照樣每個星期一齊食飯、玩孫。我一家亦有同佢父母飲茶過,大家都識趣,唔談政治,只談家人、健康。畢竟大家總算係同一個家族,冇必要咁樣而斷絕,但一定要雙方都知道見面就一定要避開唔講。
1個讚
已經唔講政治,但其實避唔開。一講疫情,就會講到各國對應,就會講中國美國歐洲。一講民生經濟差,又會講自由行。
1個讚
我都係有一個淺藍家庭,每次睇電視都有意無意講冷血說話我聽到之後都唔開心扮鎮定扮冇事其實內心都好委屈。試過有一排唔開心我知道屋企人都有一絲關心我。想通之後我決定利用呢一點僅有的關心潛移默化去改變佢嘅諗法。
3個讚
加油。
我屋企既情況唔得,佢地係有腦藍絲,說到根源問題已經無得講。不過你屋企仍有機會。
我唔可以對佢地再有期望,不然失望更大,心理承受唔到。
1個讚
你屋企有人受惠於自由行?
講真,歐美對抗疫情真係唔可以叫做好,但臭蟲論冇乜意思
無,但香港人日常話題就係會講呢D。佢地無受惠,但都覺得自由行好咁。
我會喺佢哋講呢啲嘢嘅時候特登講第二啲完全無關嘅話題
試多幾次話唔定佢sense到你邊啲想講邊啲唔想講
1個讚
我直接同佢地講「唔好講呢D政治野」,佢會反問「講蔡英文咋喎,同政治有咩關係?」
如果蔡英文都唔係政治話題,咩係呢
直接講都唔明,唔好話暗示了。
3個讚
我連呢樣都唔同佢拗,因為佢哋只會覺得自己啱
佢講蔡英文我就會同佢講邊隻尿片好用
再唔係講下小朋友今日有無便便、有無乖、有無曳⋯⋯⋯等等
1個讚
我媽成日都覺得佢諗嘅嘢先係啱,所以一講係要你跟埋佢嗰套佢先會收口
點解唔直接同阿媽話你唔想聽。話你知你好傷心聽到佢既說話?
哎。因為我做人阿媽。我諗如果阿女唔想見我我會好傷心.當然都明白你聽到果啲說話真係好難受。呢種傷痛,相信只可以用年日去沖走這種感覺。
我d 家人都藍,佢地對住我都唔會講呢d, 有時有外人喺度講開佢地就會一齊講,我惟有擰轉頭黑面算