時間過得好快，眨下眼小朋友下年就翻小學。我d邊學校嘅校服同香港嘅好唔一樣。
唔知其他國家嘅校服又係乜樣o既呢，大家可唔可以分享下呀…
1個讚
你呢個係邊度國家呀？配埋帽嘅，會唔會係澳州或者紐西蘭？
bingo，係澳洲。無帽無得出去玩…
2個讚
好特別呀
我見香港嘅澳州國際學校都係有配帽所以咁估 
香港學校嘅校服絕對係世界級醜
3個讚
你好叻。
其實我覺得香港d校服靚d，斯文d。但澳洲d套就方便d，唔使怕走光。
我覺得香港校服靚，斯文…
1個讚
香港以前D 校服好靚其實, 跟英制小學生男仔夏季都係著短褲
中學女仔白裙乾淨, 長衫優雅, 另類有水手服兩件頭, 仲有冬季蘇格蘭裙
回歸之後咩都變晒,學校仲鼓勵人著運動裝返學, 差條紅領巾就同支那睇齊…
仲有件大地校褸…女裝杏領, 男裝西裝領,大方得體, 宜家得返核突羽絨…
以前中學PE係要帶衫返學換好似睇日本漫畫咁…
宜家D後生應該無呢個feel…
3個讚
雖然話著住PE衫、羽絨返學方便,
但就真係無左書卷味,
有時有D野唔係下下要方便
我以前間小學套校服真係好核突…@@
尤其條連衫裙，正面睇俾我感覺似著緊條圍裙（夏天面連身裙後綁蝴蝶結，入面著白色短袖恤衫）
我以前學校唔畀著PE衫出街架 規定一定要PE堂頭5分鐘換好衫 後來畀著校裙配風褸 不倫不類 
培僑應該係最 free，不過橙色太搶眼。
香港好多校服著到個個好似基督教/天主教孤兒院咁，有時仲好似啲清潔工咁。
件大地校褸係靚，但我記得係又重又唔保暖，我細個最憎。我學校又奇怪，低過20度一定要帶翻學，我20度唔覺得凍，變相拎足一日…
我記得我小學係著PE 衫翻學，但中學就系帶翻學校換。套PE 衫好醜樣，好難著出街…
我小學中學校服都系咁，比你講講下又覺得似圍裙…
大埔有間小學套校服係紅色格仔，醜到爆。
至於橙色校服，油麻地街坊會學校都係橙色，配綠色襪，呢間學校與佐官小並列區內南亞人最愛學校。
啱啱去左睇油麻地街坊套校服，真系唔識欣賞…
我住國家，基本上9 成學校（幼稚園～高中）冇校服，只會著便服
無校服d小朋友會唔會比較邊個著得好？可唔可以分享你係邊個國家呀？
1個讚
我小朋友日日返學都係舒服為主，上身衫+legging 多，夏天著裙一定會加條打底短褲，唔會太多layer 因為日日戶外玩我覺得會好輪盡
1個讚
我哋10成