范冰冰深夜現身婦產科醫院 肚凸凸行路勁小心
大陸女星范冰冰不時傳出懷孕消息，但一直只聞樓梯響，不過最近就有傳媒影到佢現身上海某婦產科醫院！冰冰身穿鬆身白色衫及黑色緊身褲深夜步出醫院，身形比起之前微胖少許，行路時十分小心！
離開醫院！
佢又不時用手掩肚，側面睇起嚟腹部更微微隆起，之後佢再同一女友人乘坐名車到素食餐廳食飯，再次引起唔少網民談論！據指該醫院在上海屬於高級私立婦兒醫院，內有產科、婦科、兒科，以孕產為主，更配有陪月中心。
而日前佢亦穿着鬆身晚裝出度盛典，完美遮擋腹部，睇落去身形似乎有所發脹，一度成為網民熱話！
