Hi， 想問下大家點睇哩個情況
仔仔岩岩2歲， 未識講野， 日常指令都可以做到， 溝通都係靠手指指。 言語哩part, 我地都知要搵治療師training.
但佢認知都好差， 顏色/形狀/1-10/abc 基本係完全唔識， 五官/身體部份， 佢只係大概知係邊（問佢唔係次次答又或者答錯） 食物大部份都認得 ， 交通公具有d 認得， 貓/狗/雀仔都可以。
同人打招呼/bye bye都可以，望人眼神就睇心情， 唔算好主動又唔係話太怕醜。
令我地最擔心嘅係佢係playground嘅狀況， 10月頭開始去playground, 唱歌都還ok, 一講天氣/故事 完全係自己做自己野，老師嘅指令9成佢都ignore, 老師攞新野出黎佢就即刻要玩， 完全叫唔停， 平時係屋企都鐘意跑來跑去， 但上pg時係失左控咁。
我地好擔心佢有其他問題，應該要點幫佢好， 係咪應該去協康會做下全面評估先？
多謝大家意見先！
懷疑sen?
社會服務聯會有個尋找評估診斷的路徑圖可以參考
2歲仲細喎!佢唔係乜都唔識喎!佢識交通工具,佢應該對呢方面有興趣,男仔係咁架!
我就有開 youtube 比佢跟住唱 abc,1-10,顏色,形狀,可以試下先
呢 d 要到 k1 升k2,先肯定到佢識晒 
至於聽故仔,我小朋友曾經係 k 有呢個情況,但要同佢講道理,話佢知係上堂,仲要講足 n 次! 
因為佢唔知仲乜 
男仔既腦成日顧住玩,正常架!
2歲仲細呀
尤其是係男仔
有冇打電話去健康院，如果兩歲佢言語唔夠十個音，健康院要跟進，同埋叫佢幫小朋友做評估，所有野到要排期，唔理3721全部都排，因為我仔係自閉症譜係，你小朋友同我嗰個程度非常之相似
另外，去私家搵做評估， 就算係懷疑個案，都有好多不同的訓練幫佢
下星期會去健康院，介唔介意講下你小朋友而家幾大， 大概情況係點？ thx!!
多謝你鼓勵， 有時見到其他同學仔又乖乖又識好多野， 內心總係有d不安。 我唔介意佢慢， 我怕佢有其他問題而我睇下唔到， 錯過左幫佢嘅時機
你已經好好啦!肯幫仔仔搵答案,又帶佢 pg 
老實講,我小朋友無常 pg,都一樣有你所講問題,男仔是咁的!!要好似女仔咁乖咁靜係好難!女仔都大把唔係靜啦!
你睇佢讀埋 k1 先 
當然考 k 都有機會問下呢 d,有家長會谷!但呢 d 都係 k1-2 教既內容.如果上到 k2 教完都唔識,你就要努力 d 幫佢溫習!
我小朋友 k1聽故仔,係走左自己玩,唱歌又唔肯唱!老師當然投訴啦!但我小朋友係口水多過茶嗰種,勁百厭同貪玩!都估唔到會咁…
嗰陣我有同佢講道理,到講唔掂先教訓下都未遲!而家仲好主動話我知老師無故仔聽,笑c我! 
小朋友個個發展唔一樣,佢哋腦筍都未生埋,腦未開竅!佢哋都唔知人地想要佢哋做乜,好正常!比 d 時間佢哋…唔好覺人地做到,自己個做唔到就有問題,嚇親自己呀! 
你開 youtube 試下比佢聽下,可能會學到架 
睇定d先
聽落係同一般兩歲男仔有啲唔同。有啲red flag. 我唔認同男仔就係一個慢嘅excuse. 健康院嘅發展test都應該唔pass. 拖下拖下又一年半載。快啲去評估下啦。
2歲男仔講嘢慢都還可接受，不過當然都平時多啲同佢講嘢+健康院跟緊啲，但18個月時姑娘點講？
但認知差就真係唔得喎，基本顏色和形狀都要認到架。健康院姑娘應該都有考，你問問好啲。