https://m.facebook.com/story.php?story_fbid=3770631246294730&id=2432756433415558
雜紙的疑惑?
努力做好乾淨回收嘅你,或者留意到環保署同回收業依家主力收集只係三紙: 紙皮、報紙同辦公室廢紙。
但三紙以外嘅雜紙呢?日常生活有好多咁嘅雜紙,簡單如鞋盒、廁紙筒、紙巾盒、零食紙盒、宣傳單張、玩具包装到冷藏食品包裝,佢哋都想有二次生命,做到紙纖維回收!
其實哩類雜紙都可以回收再造灰板或蛋殼紙一類紙品,只因為廢紙進出口收緊,業界包括紙廠主力放係較優質且價格較高嘅三紙!
MilMill 從冇放棄雜紙,我們一直計劃打漿成原材料再出口,又研發以雜紙漿造紙猫砂。兩者路都唔易行,紙猫砂尚在研發中,而出口雜紙漿也困難重重。
依家終於有灰板廠肯同 MilMill 試單訂購雜紙漿了,挑戰係月底要出75噸濕漿,我們肯日夜加工,但都要大家交多啲雜紙嚟!
大家幫忙畀雜紙二次重生機會!