會移民？
英國？澳洲？東南亞國家？
2個讚
好多人移民就未必, 但我身邊的人, 都即刻安排仔女出去讀中學. 咁佢地更加要留係香港揾錢先可以交學費.
如果香港重係keep住而+個情形, 未必會好多人走.
但如果情況變壞, 要走難就另外講法
2個讚
之後香港會處於中國式和平, 再加上明日大嶼等發展, 其實經濟係會愈來愈好。
所以未必人人會走, 只要忍受到無民主自由, 唔再出聲。
1個讚
揾錢同疫情計, 香港呢一刻計都重係比歐美好
2個讚
我諗係睇年紀卦
我自己80後 淨係呢兩個星期身邊已經有至少一個family去咗英國 一個family返加拿大 兩個family確定咗日期去英國
反而澳洲就少 只係有一兩個表弟妹上年已經過咗去讀書
1個讚
我身邊有小朋友嘅朋友一半已經安排咗移民，一半plan緊
我自己同身邊人諗法係睇下一代年紀、細既要父母帶住去讀書就走、可以送出去留學就父母留港繼續工作、長老年紀都係一個考慮啦、而家中年既都好沈重 
的而且確。。。我父母都好灰心 但佢哋覺得自己年紀大 大部分朋友都喺香港 就無謂花錢移民 不過就好鼓勵我去外國發展
5個讚
藍絲老細同事無人傾移民，身邊識一個反而回流，另外有啲就想移嘅，賣緊樓，其他就諗住送仔女出去讀書…至於多唔多人移，應該要下年先知
長老年輕自理到都話安樂d、唔係顧上定顧下都真係大考驗
所以唔係唔想走係太多責任、年輕無包袱真係最應該放手一搏、反正nothing to lose
1個讚
移民就未確定，但一定送仔女出去讀書。
3個讚
會…會去台灣
黎緊高薪嘅位都要俾晒香港讀書或外國讀書嘅大陸人，佢哋要交番貴稅入大陸，香港就算有錢揾都唔輪到真香港人，大陸係唔會容許你喺香港搵錢滙出外國使，只係視乎呢個轉化過程係一年還是數年時間
10個讚
請問移民既係咪都係有仔女?
我呢啲3X歲, 冇生仔, 係咪留港做個順民算數
學下上面富有人家生活方式你就明，自己留低搵錢，仔女去哂外國。
暫時睇都係 無子女 又有份穩定工作 就好似無急切需要
4個讚
C6細妹話下年移民英國，好多嘢已經準備好，99已經知道，62未知，佢哋冇打算帶6299過去，只係自己一家過去
已經有朋友過左去英國，申請緊移民既又有幾個。問下身邊朋友，平均都識幾個移民朋友，越有錢比例越高。
1個讚
我好想走，我份工邊度打都一樣，外國仲會好境啲添，但我女唔肯，連去留學都唔肯
其實舊年呢個時候已想走，搵咗移民顧問了解之後，似乎得加拿大有機會，用我做申請人 (澳洲過咗45，無得申請)
點知轉個頭，BNO 好似得，老公話uk比加國好，佢好可能搵得返本行，到呢刻policy 落實，其實老公唔多想走
但轉個頭，又話澳洲可行，有個plan 唔限年齡，佢做主申請人
但講嚟講去，未定地點，未定日期，總之我想走，佢唔想走