如果直資同自行收左，見佢哋公佈結果時間唔同
咁係點簡
自行結果喺四月頭用電話同信通知，自行同派位七月先至註冊。
假如你直資收咗，咁梗係接受先，到四月，如果收到自行階段嘅學校通知，收你仔仔/女女，咁就要喺四月中去返直資學校攞返「學生資料表」，等七月正式放榜，再去放咗榜間學校註冊
舊年協恩十二月底通知部分收生結果，有啲連自行階段都唔參與。不過咁早公佈收生結果都係好少數。
正解 
應該同小學玩法差唔多，有啲直資都好早派 offer，但可以同時交表去自行。直資收左就攬住先，自行中獎就去返直資攞返自己資料，再去註冊新中學。
冇乜幾多間官津好得過協恩，已經係 top tier 學校，唔玩自行都好正常。
舊年參與過最早嗰批第二次面試，最後無收
即係可以入左直資。跟住轉校咁？
又唔係轉校嘅，都未返學
假如四月前已有直資取錄，而你哋接受取錄，就要去註冊，直資通常取錄就要學生立即要註冊，註冊就要交「學生資料表」。
到四月頭，自行學位分配嘅津貼學校，又通知你哋取錄，咁你哋就要諗：需唔需要去直資學校取回「學生資料表」。「自行」的學校只係通知，未需要學生註冊。註冊時間喺七月。
四月中係「取回學生資料表」限期（實際日期睇返教育局）， 唔取回的話，直資學校就會通知教育局已取錄學生嘅名單、資料等等，咁直資收咗嘅學生就唔能夠繼續參與「自行」同「派位」。
咁直資註冊係咪收註冊費 指4月前收左
係
哦 原來係咁 唔該晒
自行上年已經改左31/3收到通知，學生應該4月頭收到取錄通知
2個讚